Letîf Nêrweyî: Peywendiya YNK bi Kerkûk`ê re kûr e

PUKMEDIA

Letîf Nêrweyî Berpirsê Burda Ragihandinê ya Yekîtiya Nîştimanî ya Kurdistan`ê

Yekîtiya Nîştimanî ya Kurdistan`ê hertim digel xelkê Kerkûk`ê bûye û xizmeta wan kiriye, Letîf Nêrweyî Berpirsê Burda Ragihandinê ya Yekîtiya Nîştimanî ya Kurdistan`ê got: Serdana Serok Bafil piştî wê yekê tê ku piraniya sozên YNK`ê bo xelkê Kerkûk`ê cîbicî bûne.

YNKê di hemû qonaxan de peywendiyeke kûr û ji hev cuda bi Kerkûk`ê re hebûye

Letîf Nêrweyî Berpirsê Burda Ragihandinê ya Yekîtiya Nîştimanî ya Kurdistan`ê ji Televîzyona Gelê Kurdistanê re ragihand; eger em serdana Serok Bafil Talebanî ya Kerkûk`ê ji aliyê dîrokî ve şîrove bikin, YNK ji roja damezrandina xwe û heta niha peywendiyeke kûr, bihêz û ji hev cuda bi Kerkûk`ê re hebûye, her weha YNK'ê ji bo Kerkûk`ê gelek qurbanî dane û dest ji Kerkûk bernedaye, YNK'ê weke hêzeke Kurdistanî û Êraqî hêza yekem e di têkoşîn û xizmeta bajêr de, lewma serdana Serok Bafil ya ji bo Kerkûk`ê tiştekî asayî ye.

Serdana Serok Bafil serbilindî bû

Her weha got: Bi berawird digel qonxa bangeşeya hilbijartinê ev serdan serdaneke serbilindî bû, ji ber ku ev serdan di demekê de hat kirin ku sozên YNK`ê, hevalên Kerkûk`ê û serok Bafil dabûn xelkê Kerkûk`ê, em bi sozên ku me dane wan serbilind in, ji ber ku piraniya wan hatine cîbicîkirin.

Letîf Nêrweyî got: Kurdan nekarîn bi şer û pevçûnan alîkariya hev bikin û piştgiriyeke navdewletî û herêmî ji xwe re çêbikin, lê îsal bi peyama aştiyê û dirûşmên aştiyane karîbûn li her çar parçeyên Kurdistan`ê yekîtiya netewî pêk bînin, di heman demê de li her çar parçeyên Kurdistan`ê nermbûn ji aliyê rayedarên van her çar welatan ve hebûn, ji ber wê jî Newrozeke aştiyane bê pirsgirêk, tundî û kuştin pêk hat.

YNK hilgirê dirûşma aştî û pêkve jiyanê ye

Letîf Nêrweyî Berpirsê Burda Ragihandinê ya Yekîtiya Nîştimanî ya Kurdistan`ê aşkere kir ku Newroza îsal rayedarên her çar parçeyên Kurdistan`ê ji bo pîrozkirin an jî piştgirîkirina Newroz`ê peyam şandin.


Got jî: Demeke dirêje YNK`ê kar dike ku piştevaniya hemû hêz û aliyên siyasî werbigire û aliyên dijber jî bi nermî derkevin pêş, lewma em li ser wê dirûşmê kar dikin.

Letîf Nêrweyî amaje bi wê yekê kir ku beşek ji stratejiya YNK’ê ya îsal derketiye holê, ya ku ev demeke dirêj e li Sûriye, Turkiye û Êraq`ê jî li ser dixebitî.

Di berdewamiya axaftina xwe de Letîf Nêrweyî got: YNK’ê her tim dirûşma aştî û aştiyê ji bo gelê Kurd li her derê cîhanê hilgirtiye, bi taybetî ji bo Kerkûk`ê heval Mam Celal her tim digot: (Çareseriya pirsgirêka Kerkûk`ê weke neştergeriya mêjî ye) YNK`ê bi vî awayî bi Kerkûk`ê re mijûl dibe ji ber ku ezmûn û dîrok selmandiye ku bi tundûtûjiyê pirsgirêkên Kerkûk`ê aloztir bûye.

PUKMEDIA