Xebatên heştemîn konferansa Dîdara YNK berdewam in

PUKMEDIA

Dîdara YNK

Heştemîn konferansa amadekariyê ya duyemîn Dîdara Yekîtiya Niştimanî ya Kurdistanê di roja duyemîn de li Kerkûkê berdewam dike.

Di roja duyemîn a konferansê de, komîte berdewamin li ser wergirtina pêşniyar û nêrînên kadroyên YNK û komkirinawê di raporteke yekgirtî de û şandina wê bo Komîteya Bilind a Dîdara Duyemîn.
Endamê Desteya Bilind a Duyemîn Dîdara YNKê Sitran Ebdullah ji PUKMEDIA re ragihand: Dîdara Yekîtiya Niştimanî diyardeyeke nû ya hizbî ye li herêmê û di dîroka tevgera siyasî ya Herêma Kurdistanê û Êraqê de.Dixweza ku bingeha partiyê bibe alîkarê sereke ji bo daraştina çarçoveya hizrî, siyasî û têkoşînî ya Yekîtiya Niştimanî ya Kurdistanê.

Got jî: Heştemîn konferansa amadekarî ya ku niha li Kerkûkê tê lidarxistin gelek giringe, ji ber ku YNK giringîyek mezin dide Parêzgarê Kerkûkê û hemû kadroyên YNKê bi coş beşdarî xebatên konferansê dibin û pêşniyar û nêrînên xwe pêşkêş dikin daku bibe bernameya qonaxa bê ya YNKê.

Got jî: Weke hûn jî dizanin herêm ber bi guhertinên mezin ve diçe. Em li Herêma Kurdistanê ber bi avakirina hikûmeta nû ve diçin, çawa ku em li Êraqê ber bi hilbijartinên parlamentoyê ve diçin. Pirsgirêka Kurd li Sûriye û Tirkiyeyê jî di nava geşedanên mezin de ye û ber bi aştiyê ve diçe. Yekîtiya Niştimanî û Serok Bafil Celal Talebanî roleke girîng û mezin di pêşxistina aştiyê li Rojhilata Navîn de heye û ew jî li ser rêya Serokê nemir Mam Celal dişopîne ku bi rêya aştî û diyalogê pirsgirêkan çareser bike.

Got jî: Armanca konferansan amadekarî bo duyemîn dîdara berferehkirî ya Yekîtî ye, ku dê bi amadebûna serok Bafil Celal Talebanî bê lidarxistin. Di konferansê de ji bilî dubare daraştin û gotûbêjkirina nêrîneke nû û amadekariyên YNK ji bo qonaxeke nû ya jiyana siyasî û rêveberiya Herêma Kurdistanê, kadro, kesayetiyên navdar û pêkhateyên cuda yên YNKê beşdarî konferansê dibin.

PUKMEDIA