YNKê: Emê sibê mizgîniya parêzgehbûna Helebce ragihînin

PUKMEDIA

Monumentê Helebce

Parlamentoya Iraqê  dê deng li ser proje yasaya parêzgehkirina Helebce bide û endamekî fraksyona YNK ragihand:“Fraksiyona me hemû hewlên xwe ji bo derbaskirina proje yasayê dane û îmze kom kirine û sibe emê mizgîniya parêzgehbûna Helebce bidin.’’

Parlamenterê Fraksiyona YNKê di Parlamentoya Iraqê de Biryar Reşîd ji malpera fermî ya Yekîtiya Niştimanî ya Kurdistanê (PUKMEDIA) re ragihand: “Sibe Sêşemê 25-3-2025 Parlamentoya Iraqê ji bo dengdana li ser proje yasaya parêzgeha Helebceyê bicive.’’

Her wiha got:’’ Fraksiyona YNKê hemû hewlên xwe dane ji bo derbaskirina vê madeyê û dengdan li ser wê û îmza kom kirine, lewra em hêvîdar in hemû aliyên Kurdistanî piştgiriya  me bikin. ‘’Biryar Reşîd wiha dibêje.

Wî zêde kir:“Em çaverê dikin ku civîna sibê de ,ya civata nûneran encamên baş derbikeve, ji ber ku ji bo li ser Helebce fraksyonên Kurdistanî li hev kirine.’’

Ji aliyê din ve, endamê parlamentoya Iraqê ji Fraksiyona YNKê Çiro  Hema Şerîf ji PUKMEDIA re ragihand: "Weke Fraksiyona YNKê û nûnerê Helebce daxwaz ji serokê parlamentoyê û cîgirên wî kir ku proje yasayê têxin rojevê û sibe emê mizgîniyê bidin xelkê Helebce, Helebce bibe parêzgeha 19 ya Iraqê û parêzgeha çarem a Kurdistanê."

PUKMEDIA