Tirkmenên nerazî daxwaza cihan di kabîneya nû de dikin

PUKMEDIA

Serokê Encumena Siyasî ya Tirkmenan Ebdulbasit Xalid

Serokê Meclisa Siyasî ya Tirkmenên nerazî daxwaz ji kabîneya nû dike ku civaka Tirkmen û postên wan ên bilind li ber çavan bigire. Daxwaz ji Tirkmenên Kerkûkê kir ku şerê mezhebî rawestînin û xizmeta neteweya xwe bikin û weke Tirkmenên Hewlêrê ji bo berjewendiyên xwe kar nekin.

Serokê Encumena Siyasî ya Tirkmenan a nerazî Ebdulbasit Xalid li Kerkûkê ji medyayê re got: "Em daxwaz dikin ku di avakirina kabîneya nû de civaka Tirkmenan li ber çavan bê girtin û di erkên medenî, hikûmetî û encumenên parêzgehan de Tirkmen roleke girîng bilîzin."

“Divê miletê tirkmen di serokatiya hikûmetê, serokatiya herêmê û serokatiya parlamentoyê de bibe xwedî post û di wezaretan de jî postên bilind jê re bên dayîn.

Ebdulbasit Xalid got: “Ez ê bi navê tirkmenên ku li gel partiyên siyasî ne û nikarin bi azadî biaxivin û li tirkmenên bê mal xwedî derkevim, ji ber ku neteweya tirkmen nayê derxistin.’’
Serokê Meclisa Siyasî ya Tirkmenan wiha got: “Di dîroka parêzgeha Kerkûkê de parêzgarên weke Dr.Rebwar Taha nehatiye dîtin.Ji ber ku bê ferqa etnîsîteyê walîyekî wêrek e.

Komeleyên Kerkûkê xizmeta hemûyan dikin û armanca serdana min bo Kerkûkê jî hemahengiya ligel tirkmenan e.Ez bang li xelkê vî bajarî dikim ku şerê mezhebî rawestînin da ku xizmeta neteweya tirkmen li Kerkûkê bikin, ne ku wek tirkmenên Hewlêrê ji bo berjewendiyên xwe kar bikin.

PUKMEDIA