Li Tirkiyeyê bi sedan kes hatin girtin

Ajans

Xwepêşandanên girseyî yên Tirkiyê

Li Tirkiyeyê li dijî girtina Ekrem Îmamoglû zêdetirî 400 kes hatin girtin.Li gorî nûçeyên medyaya Tirkiyê, rewş her ku diçe aloztir dibe.

 Li Tirkiyê li dijî girtina şaredarê Stenbolê yê ku ji aliyê dozgeriyê ve doz hatibû vekirin, çalakiyên protestoyî didomin.Îmamoglu û 100 berpirs û endamên CHPê bi tawana gendelî, alîkariya terorê û yên din girtin.

 Wezareta Navxwe ya Tirkiyê ragihand, wan 37 kes bi tometa ku li ser torên civakî gurr kirine, girtine. Li ser hesabê fermî yê Îmamoglû ya li ser tora civakî ya Xê bang li welatiyan tê kirin ku bêdeng nemînin û li hemberî rewşa Tirkiyeyê rabin ser piyan.

Di roja ewil a aloziyên li Stenbolê de zêdeyî 350 kes hatin girtin û girêdanên înternetê hatin qutkirin.Girtina Îmamoglû di demekê de ye ku tê çaverêkirin ku di rojên pêş de wek namzedê fermî yê CHPê yê serokomariyê û hevrikê Erdogan were destnîşankirin.

Girtina Îmamoglû bû sedema nerazîbûna hemwelatiyên Tirkiyê, ku gelek ji wan di wê baweriyê de ne ku ev mijar siyasî ye û girêdayî hewla Erdogan bo dirêjkirina dema serokatiya xwe ye.

Li ser vê yekê Berdevkê AKP'ê Omer Çelîk ev îdia red kir û bal kişand ser serweriya hiqûqê û serxwebûna dadgehan.

PUKMEDIA