Serok Komar: Vêxistina meşaleya Newrozê sembola qehremanî û azadîxwaziyê ye

PUKMEDIA

Serok Komarê Êraqê

Rêzdar Serokê Komarê Dr.Ebdul Latîf Cemal Reşîd bi boneya Cejna Newrozê û sersala Kurdî daxuyaniyek belav kir. Ev naveroka peyamê ye:

Bi boneya hatina Cejna Newrozê germtirîn pîrozbahî û pîrozbahiyên xwe pêşkêşî gelê me yê Kurd û hemû pêkhateyên gelê Êraqê dikin û hêvîdar in ku ev cejna pîroz ji bo gelê me xêr û bereket û bextewariyê bi xwe re bîne û xweşî û bextewarî li seranserî welat serdest be.
Vêxistina agirê Newrozê sembola qehremanî, fedekarî, têkoşîn û serketina rastiyê ye, her wiha mizgîniya derketina rojeke nû û destpêka sala nû ya kurdî dide.

Di heman demê ku em newroza xwe pîroz dikin, careke din peyama xwe ya netewî dubare dikin û bang li hemû hêzên siyasî dikin ku yekîtiya netewî xurt bikin û ber bi yekgirtin û xurtkirina stûnên sîstema me ya demokratîk ve biçin,û belavkirina azadî, parastina mafên mirovan, parastina destkeftiyên xwe û piştgiriya saziyên destûrî û desthilatên yasadanîn, dadwerî û cîbicîkar bikin û bi vî awayî di pêşketina welat de bibin alîkar.

Cejna Newrozê li we û li hemû gelên cîhanê pîroz be
Newroza her kesî pîroz be

PUKMEDIA