Talebanî: Pêwîstiya Kurdistanê bi hikûmeteke kargêr û xizmetkar heye

Ofîsa Çapemeniyê ya Qubad Talebanî

Qubad Talebanî bi Balyozê Fransa re civiya

Cîgirê Serokwezîr Qubad Talebanî pêşwaziya Balyozê Fransa li Iraqê Patrick Dorrel kir û di wê hevdîtinê de mijara avakirina hikûmetê û çend mijarên din ên balkêş gotûbêj kirin.

Civîna roja duşemê (17.3.2025) bi amadebûna Jan Brem Konsulê Giştî yê Fransa li Herêma Kurdistanê birêve çû, pêşhatên dawî yên danûstandinên pêkanîna kabîneya dehem hatin gotûbêjkirin.

Di vê derbarê de, Qubad Talebanî eşkere kir ku civîna navbera Bafil Celal Talebanî Serokê YNKê û Mesrûr Barzanî Serokê Hikûmeta Herêma Kurdistanê di atmosfereke erênî de derbas bûye. Got jî: Civîn dê bandorek erênî li ser civîna bê ya şanda bilind a danûstandinan a YNK û PDKê bike.

Di vê çarçoveyê de cîgirê serokwezîr amaje bi wê yekê jî kir ku, pêwîstiya Herêma Kurdistanê bi hikûmeteke kargêr, bihêz û xizmetguzarî heye. Wî got ku ew hemû hewlên xwe didin ji bo destnîşankirina mekanîzmayên guncaw ji bo ferzkirina aliyan ji bo cîbicîkirina rêkeftinê.

Di beşeke din ya hevdîtinê de rewşa Sûriyê hat gotûbêjkirin û rêkeftina Mazlûm Ebdî û Ehmed Şara jî wek gaveke girîng û pêwîst hat nirxandin. Cîgirê serokwezîr hêvî xwest ku hemû alî û pêkhateyên Sûriyê bikarin bi diyalog û têgihiştinê pirsgirêkan çareser bikin û Sûriyeya nû bi awayekî nû ava bikin ku maf û daxwazên hemû civakan pêk werin.

PUKMEDIA