Mekteba Siyasî: Sûcê kîmyabarana Helebce birîneke ku nayê jibîrkirin

PUKMEDIA

Logoya Yekîtiya Niştimanî ya Kurdistanê

Mekteba Siyasî ya Yekîtiya Niştimanî ya Kurdistanê (YNK) bi boneya 37emîn salvegera kîmyabarana Helebceyê daxuyaniyek belav kir û ragihnad:“Ew ê kar ji bo dermankirina birînan û baştir qerebûkirina qurbaniyên sûcê jenosîdê li vî bajarî bike.’’

Teksta daxuyaniya Mekteba Siyasî:

Daxuyaniya Mekteba Siyasî bi boneya salvegera kîmyabarana Helebce

Em îro bi xemeke kûr 37emîn salvegera tawanên hovane yên ku li dijî gelê me li Helebce ji aliyê hêzên rûxandî yên rêjîma Baas ve li dijî xelkê bê parastin û sivîlên wî bajarî pêk hatin bi bîr tînin.

Tawanên şovenîstên Baasê li dijî vî bajarî, kîn û nefret bû li hember rola dîrokî ya Helebçeyê, ku di tevgera çandî, şaristanî û siyasî de xwediyê ramaneke kurdperwer a dewlemend û pêşverû bû. Li hember rejîmê cesaret girtin û şoreş dan destpêkirin.

Çawa ku YNK li ser erkê xwe û piştre jî bi rêya hikûmeta Herêma Kurdistanê hewlên bênavber ji bo vegerandina rewşa xweşiyê û pêşkêşkirina xizmetguzariyê ji Helebce û xelkê wê re kir, îro jî ji her demê zêdetir piştî bi fermî naskirina Helebce weke parêzgeha çaremîn, ew ji bo qurbaniyên tawana jenosîdê li vî bajarî şer dike.

Di vê helkefta xemgîn de em tekez li ser wê yekê dikin ku serkirdayetiya YNK bi rêya fraksiyona xwe li parlamentoya Iraqê û tîma rêveberiya Helebce û hikûmeta federalî hewla berdewamiya xwendin û dengdana li ser proje yasayê didin.

 Sûcê kîmyabarana Helebçeyê birîneke ku nayê jibîrkirin

Serê canê şehîdên kîmyabarana Helebce û hemû şehîdên jenosîda gelê me be sax be.

Mekteba Siyasî Yekîtiya Niştimanî ya Kurdistanê

PUKMEDIA