Berdereş û Akrî li Badînan bûne deriyê serhildanê

PUKMEDIA

Serhildana gelê Kurdistanê

Îro Çarşemî 12ê Adarê salroja azadkirina bajarokên Berdereş û Akriyê û devera Badînan ji dest rêjîma Beis di sala 1991an de ye û gel di heyameke kurt de karîn hemû sazî û dezgehên hikûmetê azad bikin û rêjîmê ji wan derbixin.

Rizgarkirina van deveran bûye fakterek girîng û handanek bihêz ji bo girseya gel ji bo berdewamiya meşa xwe ya azadkirina hemû navçeyên Kurdistanê ji bin destê rêjîma berê.

Çirûska serhildanê di 5’ê Adara 1991’an de li bajarê Ranye ku ji wê demê ve weke “Deriyê Serhildanê” tê binavkirin, dest pê kir, bajar û hemû deverên derdora wê hatin rizgarkirin, û serhildan berfereh bû û gihîşt Silêmaniyê di 7ê Adarê de, ku xelkê wê karîbûn dest deynin ser hemû sazî û dezgehên hikûmetê, piştî ku hêzên ewlehiy reviyan.

Di 9ê Adarê de, Koye, Şeqlawa û Kifrî hatin rizgarkirin, di 10ê Adarê de deverên din ên nêzîkî Hewlêrê ji wan havîngeha Selahedîn, Teq Teq, Rewanduz, Herîr, Hacî Omran, Mêrgasor û gelek deverên din ên parêzgeha Hewlêrê hatin rizgarkirin.
Di 12’ê Adarê de navçeyên Celewla, Mexmûr, Aqra, Xaneqîn û Şêxan hatin rizgarkirin.
 Roja din navçeya Zaxoyê hat rizgarkirin û piştî wê jî di 14ê Adara 1991ê de bajarê Dihokê hat rizgarkirin û bi hatina cejna neteweyî ya Newrozê di 21ê Adara 1991ê de serhildan bi azadkirina bajarê Kerkûkê bidawî hat.

PUKMEDIA