Kosret Resûl Elî: Em Hewlêrê bikin mînaka jiyana hevbeş

Kurdistan 05:44 PM - 2025-03-10

Kosret Resûl Elî

Di çarçoveya serhildana girseyî ya gelê Kurdistanê ya li dijî neheqî û dîktatoriya rêjîma Sedam Beis, 34 sal berê di vê rojê de gelê Hewlêra paytext bi pêşengiya Yekîtiya Niştimanî ya Kurdistanê serî hilda. û di demeke kin de bajar rizgar kirin.

Piştî ku di 5ê Adara 1991ê de li navçeya Raniyeyê bi serpereştiya Yekîtiya Niştimanî ya Kurdistanê agirê serhildana pîroz destpêkir, proseya berfirehkirina hemû bajar û bajarokên Herêma Kurdistanê dest pê kir û di 11ê Adarê de ala Azadî gihişt Hewlêrê, ku xelkê wê li dijî neheqî û zulmê rabûn û bi lehengiya xwe karîbûn di demeke kurt de bajêr paqij bikin.

Têdikoşin ji bo xizmeta gel

Di vê derbarê de Kosret Resûl Elî di daxuyaniyekê de tekez li ser vê yekê kir ku, ew serbilinde ku di wê demê de Eniya Kurdistanê erkê azad kirina Hewlêrê bi destê xwe ve spartiye û tekez li ser vê yekê kir ku, Hewlêr bajarekî zindî ye û wê her we be û ti carî neheqî û zulm qebşl nake.

Kosret Resûl got: Em vê rojê bi bîr tînin, em tekez dikin ku heta niha hemû armancên me bi cih nehatine û ji bo bidestxistina armanc û daxwazên ku heta niha nehatine bidest xistin, divê têkoşîn berdewam be û em destê xwe bidin hev. xizmeta girseya gelê Kurdistanê bikin û destkeftên xwe biparêzin.

Banga birêz Kosret Resûl Elî

Çirûska serhildanê bi banga serkirdeyê rizgarkirina bajarê Hewlêrê, têkoşer birêz Kosret Resûl Elî (ji bavê Rênas bo şaneya Brûskê, em nêzîkî we ne, dest bi xebatê bikin) derket. Serhildana li Hewlêrê dest pê kir û bajar ji Beisê û gemara wê hat paqijkirin.

Birêz Kosret Resûl Elî dibêje: Ji bo rizgarkirina Hewlêrê me weke erkekî dîrokî hat erkdarkirin û bi beşdarbûna xelkê qehremanên Hewlêrê, şervan, rêxistinên bi dizî, şaneyên çekdar û qehremanan û Pêşmerge me di demeke kêm de bajar rizgar kir, bi cîbicîkirina vê erkê mezin me karî dîrokê binivîsin û li ber kelê pîrozbahiya serkeftinê kirin.

Bicihkirina Hêzên Pêşmerge

Rojek beriya azadkirina bajarê Hewlêrê, Hêzên Pêşmerge yên Yekîtiya Niştimanî ya Kurdistanê li nêzîkî pira Hîzob bi cih bûne, ku hêzên ku amadekariya rizgarkirina Hewlêrê dikin, li ser du beş hatine dabeşkirin, ya yekem bi serokatiya birêz Kosret Resûl Elî bû û ya duyem bi serokatiya Burhan Seîd Sûfî bû, û di 11/3/1991ê de hêz ber armancên xwe ve çûn û karîn hemû navçe rizgar bike û kete paytextê û li berdem kelehê şahî lidarxist.

Yekîtiya Niştîmanî endezyarê serhildanê ye

Serokê Encûmena Piştgiriya Yekîtiya Niştimanî ya Kurdistanê Hecî Masîfî derbarê serhildana bajarê Hewlêrê ji PUKMEDIA re got: Yekîtiya Niştimanî ya Kurdistanê endezyarê serhildanê ye û kariye hêzên Kurdistanî di bin sîwana serhildanê de kom bike û ji bo rizgarkirina Kurdistanê amade bikin.

Got jî: azadkirina Hewlêrê ne asan bû, ji ber ku piraniya baregehên Seddam li Hewlêrê bûn, lê me karî bi rêya deste û şanên çekdar ên Brûsk û rêkxistinên xwe, bernameyeke durist jibo azadkirina Hewlêrê hazir bikin.

Got jî: Her çend hin hêz henekê xwe bi hizra Yekîtiya Niştimanî ya Kurdistanê dikirin, lê Yekîtî karî bi hevkariya girseyên gelê Kurdistanê agirê serhildanê geş bike û hemû navçeyên Kurdistanê azad bike.

PUKMEDIA