Derbarê rewşa Sûriyê, Washington û Mosko banga civîna Encumena Ewlekariyê ya NY dikin

Ajans

Encumena Ewlekariyê ya NY

Waşînton û Moskow banga civîneke lezgîn ji şêwirmendên Encumena Ewlekariyê ya Neteweyên Yekbûyî (NY) re derbarê Sûriyeyê de kirin û pêşbînî tê kirin ku wê civîna îro 10/3/2025 îro encam bide. Cîgirê nûnerê hertdemî yê Rûsyayê li Neteweyên Yekbûyî got: Rûsya û Amerîka ji ber tundiya li dijî sivîlên li rojavayê Sûriyê banga civînê kirin.

Cîgirê Nûnerê herdemî yê Rûsyayê li Neteweyên Yekbûyî Dmitriy Polyansky di telegramekê de ragihand ku Rûsya û Amerîkayê daxwaza civîneke şêwirmendiyê ya lezgîn li Konseya Ewlekariyê ya Neteweyên Yekbûyî kirine û dibêje: Ev daxwaz ji ber tundiya li dijî sivîlan li Rojavayê Sûriyê tê kirin.

Li gorî zanyariyên Polianski, xuyaye ku civîna ku tê xwestin îro Duşemê were kirin.

Desthilatdarên Sûriyê yên nû ji pênc rojan ve li beravên Sûriyê dest bi kampîneke berfireh kirine ji bo rûbrûbûna nerazîbûyan û hejmarek pir ji sivîlanli deverên peravê mirine û birîndar bûne.

Rewengeha Sûrî ya jibo Mafên Mirovan (SOHR) îro ragihand ku kuştina sivîlên elewî ji aliyê hêzên ewlekarî yên Sûrî û grûpên hevalbendên wan ve dest pê kiriye û bi vê yekê hejmara kuştiyan giheşte 973 sivîlan.


PUKMEDIA