Li Encûmena Nûneran îmze ji bo bi parêzgehbûna Helebce tên komkirin

news 10:49 AM - 2025-03-09

Nûnera Yekîtiya Niştimanî ya Kurdistanê Çiro Heme Şerîf

Hewldanên Yekîtiya Niştimanî ya Kurdistanê ji bo yasakirina qanûna bi parêzgehbûna parêzgeha Helebce li encumena nûneran berdewam in, piştî bidawîhatina hemû rêkarên yasayî, nûnerekî îmzeya nûneran ji bo yasakirina qanûnê bi nêzîkbûna salvegera bombebarankirina bajarê bi çekên kîmyayî kom kir.

Tenê dengdan maye

Nûnera Yekîtiya Niştimanî ya Kurdistanê Çiro Heme Şerîf ji PUKMEDIA re ragihand: Hewldanên Yekîtî ji bo yasaya parêzgehkirina Helebce berdewam in.
Her weha got jî: Me razîbûn û piştevaniya piraniya fireksiyonên parlemanî ji bo dengdana li ser proje yasayê wergirtiye, û em berdewam in li ser hewlên xwe heta ku yasa di civata nûneran de were yasakirin, destnîşan jî kir ku parêzgeha Helebce hemû rêkarên yasayî û îdarî temam kirine, û tenê maye dengdana li ser bidin.

Wê amaje bi wê yekê jî kir: Yekîtiya Niştimanî ya Kurdistanê berî salvegera êrîşa kîmyayî ya 16/3/1988ê hewl dide deng li ser proje yasaya parêzgehkirina Helebce bide

Kampîna komkirina îmzeyan

Parlamenter Çiro Hema Şerîf dibêje: Me di destpêka îsal de dest bi kampîna komkirina îmzeya parlamenteran kir da ku projeyasaya bi parêzgehbûna parêzgeha Helebce bikeve rojeva civînên parlamentoyê û me karî îmzaya zêdetir ji 100 parlamenteran kom bikin.
Got jî: Me li gel serokê civata nûneran jî civîn pêk anîn û piraniya nûneran piştevaniya xwe ji bo pesendkirina proje yasaya bi parêzgehbûna parêzgeha Helebce piştrast kirin û emê di demek nêzîk de li ser hewlên xwe berdewam bin ji bo yasayîkirina vê yasayê.

PUKMEDIA