Qubad Talebanî: Bi rastkirina rêbaza hikûmetê em nêzîkî cîbicîkirina armancên serhildanê dibin.

PUKMEDIA

Peykerê Pêşmerge

Cîgirê Serokwezîrê Herêma Kurdistanê Qubad Talebanî bi boneya 34emîn salvegera serhildana gelê Kurdistanê ya sala 1991ê peyamek belav kir û ev nivîsa peyamê ye:

Bi hemû rêz û hurmetê em serhildana mezin a gelê xwe bi bîr tînin
Serhildan ji aliyekî ve berhema tekoşîn û qurbanîdana bi dehan salan a gelê Kurdistanê bû û ji aliyê din ve jî berhema yekîtî û yekrêziya hemwelatî û aliyên siyasî yên Kurdistanê di wê demê de bû.

Bicîhanîna mafên gelê Kurdistanê, azadî û dadperweriyê ji armancên sereke yên serhildanê bûn. Raste ji ber kêmasiyên di proseya desthilatdariyê de û hin sedemên din me nekarî hin ji armancên serhildanê wek wê bi cih bînin, lê di qonaxa niha de û ya ku em pê bawer in û wek erkên xwe dihesibînin ewe ku em bi serastkirina rêbaza hikûmetê û bihêzkirina amancên bi hêz û bibandor ên hikûmetê, em dikarin pêngaveke din a bihêztir ji bo pêkanîna hikûmetê bavêjin.
Îsal ku em salvegera serhildanê bi bîr tînin, çirûskeke hêviyê û geşbîniyê li ser aştî û yekkirina mafên gelê Kurd li Tirkiyê heye, em hêvîdar in ku proseya aştiyê vê carê bi ser bikeve û gelê Kurd li Tirkiyê bigihe mafên xwe.
Di vê salvegerê de em bejna xwe li ber giyanê şehîdên serhildanê û hemû şehîdên tevgera rizgarîxwaza gelê xwe ditewînin.

PUKMEDIA