Çar kes 3 milyar dînar ji trafîka Iraqê digirin

PUKMEDIA

Komîsyona Gendeliyê ya Iraqê

3 milyar dînar ji rêveberiya giştî ya hatinûçûnê ya Iraqê hatin dizîn û 4 gumanbar hatin girtin û li xwe mikur hatin ku “Birine û veşartiye.’’

Çar tohmetbarên dosyeya dizîna pereyên rêveberiya giştî ya hatinûçûnê ya Iraqê li xwe mikur hatin ku zêdetirî sê milyar dînar dizîne û di maleke neqediya de veşartine.
Komîsyona Gendeliyê ya Iraqê îro 4.3.2025ê di daxuyaniyekê de ragihand, Encûmena Bilind a Dadwerî ya Iraqê got:"Dadgeha Rasafa ya lêkolînê ya Bexdayê îtîrafên 4 tohmetbarên dosyaya dizî û veşartina sê milyar dînarên Rêveberiya Giştî ya Trafîkê ya Iraqê pesend kir."

 Li gorî daxuyaniyê, tohmetbar hatin girtin û li xwe mikur hatin ku 3 milyar û 390 milyon dînar û hinek zêr di maleke neqediya de li devera Şaabê ya Bexdayê veşartibûn.
Her çar birayên hevjîna tohmetbarê sereke ne, ku berê li ser heman dozê hatibû girtin.

PUKMEDIA