Balyozê Brîtanyayê xatir ji Cîgirê Serokê Herêma Kurdistanê xwest

Serokatiya Herêma Kurdistanê

Cîgirê Serokê Herêma Kurdistanê û Balyozê Brîtanya

Cîgirê Serokê Herêma Kurdistana Iraqê Şêx Cefer Şêx Mistefa îro pêşwaziya birêz Stephen Hitchen Balyozê Brîtanya li Iraqê kir.

Li hevdîtinê de Cîgirê Serokê Herêma Kurdistanê spasiya rol û xebata birêz Hitchen di dema borî de kir û hêviya serkeftinê di erkê xwe yê pêşerojê de jê re xwest.

Ji aliyê xwe ve, balyoz Stephen Hitchen, xweşhaliya xwe ji bo piştgirî û hevahengiya dezgehên pêwendîdar ên Herêma Kurdistanê nîşan da û tekez li ser pêşxistin û berdewamiya peywendiyên di navbera welatê xwe û Herêma Kurdistanê û Iraqê kir.

Rewşa giştî, pêşhatên siyasî û emnî yên navçeyê, proseya çaksazî û yekgirtina hêzên Pêşmerge û pêkanîna kabîneya nû ya hikûmeta Herêma Kurdistanê mijarên din ên hevdîtinê bûn.

PUKMEDIA