Yasaya vegerandina erdan dê li Kerkûkê were cîbicîkirin

Medyaya parêzgeha Kerkûkê

Parêzgarê Kerkûkê û Komîteya Bilind a Iraqê bi cotkaran re dicivin

Parêzgarê Kerkûkê bang li cotyaran kir ku heta wergirtina yasaya vegerandina zeviyan li berxwe bidin û hemû xalên yasayê di berjewendiya cotkaran de wê bên cîbicîkirin.
Parêzgarê Kerkûkê Rêbwar Taha di kongreyeke rojnamevanî de li gel Komîteya Bilind a Iraqê li ser pirsgirêkên cotkarên herêmê got;"Rêveberiya Çandiniyê ya Kerkûkê ji bo diyarkirina erdên ku nakok nîne û ji aliyê Rêveberiya Çandiniyê ve hatiye diyarkirin hatiye erkdarkirin û heta biryara Serokwezîrê Iraqê em ê vê daxwazê ji komîtê re ragihînin da ku cotkar li ser van erdan kar bikin."

“Piştî weşandina yasayê di rojnameya Weqîî ya Iraqê de, dê di mehekê de heya mehek û nîvekê biryar were dayîn û dê were cîbicîkirin û piştî wê jî em wek parêzgeha Kerkûkê dê hemû xalên yasayê cîbicî bikin.Ji ber wê jî em daxwaz ji cotkarên Kerkûkê dikin ku hinekî li bendê bin heta yasa bikeve meriyetê û pirsgirêkên wan çareser bibin.”

Parêzgarê Kerkûkê û Komîteya Bilind a Iraqê îro bi cotkarên herêmê re civiyan, piştî gotûbêjkirina pirsgirêkên wan û radestkirina wan. Cotkarên Kurd spasiya parêzgar û serokwezîrê destnîşankirî kir ku xem û dilsoziya wan bo çareserkirina pirsgirêkên cotkarên Kerkûkê heye.

PUKMEDIA