Fraksiyona YNK`ê: Em piştgirî û alîkariya cotkarên Kurd dikin

Ajans

Artêş rêgiriyê li cotkarên Kurd dike

Şandeke Fraksiyona Yekîtiya Nîştimanî ya Kurdistan`ê (YNK) li Parlemana Êraq`ê serdana devera Sergaran ya Kerkûk`ê kir, endamekî civatê jî ragihand: Serdana me ji bo piştgirî û alîkariya cotkarên Kurd e.

Sebah Hebîb; Parlamentera Fraksiyona YNKê ya Parlemana Êraq`ê ji malpera fermî ya Yekîtiya Niştimanî ya Kurdistanê (YNK ) PUKMEDIA re got : Me wek fraksiyona YNK`ê, me serdana devera Sergaran kir da ku em piştgîrî û alîkariya cotkarên Kurd yên ku duh rê li wan nehat girtin, em zeviyên xwe biçînin, piştrast bikin.

Sebah Hebîb got: Di serdana xwe de me tekezî li ser piştevaniya cotkaran kir û me ji serokwezîr û wezîrê berevaniyê xwest ku pirsgirêkê çareser bikin, da ku bandorê li jiyana hevbeş a aştiyane neke.

Her weha aşkere kir ku, artêş ji van deveran vekişiyaye, lê pirsgirêk wek xwe maye, ji ber vê yekê divê her kes kar bike da ku di zûtirîn dem de çareser bike.

Her di wê derbarê de; Xerîb Ehmed endamê lijneya çandiniyê ya parlemana Êraq`ê di kongreyeke rojnamevanî de ragihand, kiryarên duh yên artêşê li dijî cotkarên kurd bi temamî nedestûrî û ne yasayî ye û binpêkirin e.

Xerîb Ehmed wiha got: Komîteya me piştgiriya cotkaran dike ji ber ku li gorî yasaya ku ji aliyê Civata Nûneran ve deng li ser hatiye dayîn, divê milkên dagîrkirî ji xwediyên wan re bên vegerandin û mafê çi kesî nîne ku yasayê binpê bike.

Ji aliyê din ve 56 parlementerên ji firaksyonên Kurdistanî di nivîsekê de  banga civîneke awarte li civata nûneran kirin ku ji bo vê mebestê îmze komkirin.

Du roja Dûşem`ê rêkefta (17-02-2025) an hejmareke zêde ji cotkarên Kurd li navçeya Sergeran ya ser bi devera Dobiz, bi mebesta ajotina cotên xwe ji bo çandiniyê li wir bûn, lê ji aliyê Artêşa Êraq`ê ve ew hatin astengkirin, û hêrîşî çend cotkaran kirin, li hemberî wê yekê cotyar bi mafê xwe dizanin ku cotinên xwe biajon, her weja daxwaz ji hikûmetê  dikin ku pirsgirêkên wan çareser bike, ji ber ku ew zevî ji bav û bapîrên wan ve ji bo wan heya niha mane.

PUKMEDIA