Talebanî: ezmûna di warê neft û rêyan de derbasî Kurdistanê bikin

Daxuyaniya Qubad Talebanî

Talebanî beşdarî Lûtkeya Cîhanî ya Hikûmetan li Dubey bû

Cîgirê  Serokwezîr Qubad Talebanî beşdarî Lûtkeya Cîhanî ya Hikûmetan li Dubey bû û ragihand: "Me li gel berpirsên Dubey û Îmaratê gotûbêj li ser veguhestina pisporî û ezmûna wan di warê rê, petrol û gazê bo Herêma Kurdistanê kir."

Qubad Talebanî got:"Me li gel Serokê Kompanyaya Niştîmanî ya Petrolê ya Îmarat (ENOC) Seîd Mihemed El-Tayer û şandeke pê re li ser ezmûna serkeftî ya welatê xwe di warê neft û gazê de û derfetên veguhestinê bo Kurdistanê gotûbêj kir.’’

Talebanî got: "Di lûtkeyê de, me bi Matar Al Tayer, Serokê Lijneya Rêvebir a Rêveberiya Rê û Veguhastinê ya Dubey (RTA) re li ser projeyên rê û çawaniya sûdwergirtina ji ezmûna Îmarata Erebî di veguheztina giştî (otobus û tramway) de gotûbêj kir."

PUKMEDIA