Serok Bafil: Divê niyeteke cidî ji bo xebat û hevkariyeke rasteqîn hebe

PUKMEDIA

Civîna Serok Bafil û Jan Brem Konsulê Giştî yê Fransa li Herêma Kurdistanê

Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Konsulê Giştî yê Fransa li Herêma Kurdistana Iraqê Jan Brem kir.Di hevdîtinê de guhertinên siyasî yên li herêmê, pêkanîna hikûmeta Herêma Kurdistanê û pirsgirêkên navbera Hewlêr û Bexdayê hatin gotûbêjkirin.

Serok Bafil Celal Talebanî bi awayekî eşkere behsa rêkxistin û yekrêziya mala Kurd û yekîtiya siyasî kirû got:“Em li gel her biryarekê ne ku di berjewendiya çareserkirina pirsgirêkên gel û herêma me de be, lê divê niyeta me ya cidî hebe ku bi hev re kar bikin û şirîkatiyeke rasteqîne bikin, ji ber ku her hewlek ji derveyî vê îradeya netewî dê zirarê bide gelê me.’’

"Erkê her kesî ye ku bi berpirsyarî bi vê rewşê re mijûl bibe û bi hev re kar bikin ji bo avakirina baweriyê û avakirina hikûmetek xizmetguzarî ku bi awayekî wekhev xizmeta her kesî bike û daxwazên gel pêk bîne."Serokê YNK got

Têkildarî Sûriye û Rojavayê Kurdistanê jî Serok Bafil Celal Talebanî got:’’ Em tekez li ser wê yekê dikin ku em li gel rêzgirtina li îrade û mafên hemû aliyan ne û Kurd beşeke giring di Sûriya nû de bin, ji ber ku her kêmasî dê zirarê bide aramî û ewlehiya welat û deverê.’’

PUKMEDIA