Li Hewlêrê li dijî 31 rojnameger û saziyên çapemeniyê binpêkirin hat kirin

Ajans

Pêşîlêgirtina hêzên Ewlekariyê li Mamosteyan

Mamoste û karmendên ku ji Silêmaniyê derketin bi mebesta ku daxwaz û nerazîbûnên xwe bighînin  Hewlêrê birêve bûn, li xala kontrola Dêgala rêgirî li wan hat kirin û bi gaza firmêskrêj û teqe li xala kontrolê ya Dêgala hatin belavkirin, û binpêkirin li dijî 31 saziyên medyayê û rojnamevanan hatin kirin, berpirsê Rêxistina peyamnêran ji bo Maf û Geşepêdana Rojnamegeran got: Li Hewlêrê tenê di rojekê de 22 rojnamevan û 9 dezgehên ragihandinê ji aliyê asayîşê ve hatine binpêkirin, Ji ber vê yekê em bang li hêzên asayîşê û aliyên siyasî dikin ku rojnamevanan ji aloziyê derbixin û binpêkirinê li hember nekin.

Serokê Rêxistina Rojnamegeran ya ji bo Maf û Pêşxistina Rojnamegeran Hozan Qadir ji PUKMEDIA re axivî û got: Di berdewamiya xwepêşandanên mamosta û karmendan de li çendîn navçeyên parêzgeha Hewlêrê, bi taybet li ber xala kontrolê, binpêkirinên curbicur li dijî medya û rojnamevanan hatine kirin, ku hemû jî cihê dilgiraniya me ne.

Hozan Qadir got: Em bang li hêzên ewlekarî û aliyên siyasî dikin ku rojnamevanan ji şer derbixin û neyên binpêkirin û bihêlin rojnamevan bi azadî karê xwe bikin.

Derbarê amarên binpêkirinên bûyerên duh de, Berpirsê rêxistina peyamnêran amaje bi wê yekê jî kir ku di xwepêşandanên duh de, binpêkirin li dijî 9 dezgehên ragihandinê û 22 rojnamevanan hatine kirin, ku 9 ji wan bi gaza rondikrêj birîndar bûne, û hêzeke asayişê bi cilên sivîl û bi navê Asayîşê, avêtine ser ofîsa kenala satelîtê ya KNN li Hewlêrê û dest danîn ser mal û milkên rojnamevanan, mobayl û tiştên kesane yên kesên ku li ofîsê amade bûn. Piştrast jî kir ku Hêzên asayîşê piştî rûmalkirina bûyerên Dêgela rê nedan ku 4 tîmên ragihandinê vegerin Hewlêrê. Tîma medyayî ya Polîtîka Press jî di dema hevpeyvîna rojnamevanî de ligel çalakvanekî sivîl li hundirê Hewlêrê ji aliyê hêzên Asayîşê ve hat girtin. Heta dema amadekirina vê nûçeyê nehatine berdan.

PUKMEDIA