Navbera Herêma Kurdistanê û Bexdayê de gavên baş hatine avêtin

Nivîsgeha Ragihandinê ya Qubad Talebanî

Qubad Talebanî bi Serkonsulê Tirkiyê re civiya

Cîgirê  Serokwezîrê Hikumeta Herêma Kurdistanê  Qubad Talebanî pêşwaziya Serkonsolosê Tirkiyeyê yê Iraqê Erman Topcu kir .Di hevdîtinê de çendîn mijarên ku  ji bo her du alî balkêş in hatin gotûbêjkirin.

Di beşeke vê civîna han de ku roja Çarşemê (05.02.2025) li bajarê Hewlêrê hate encamdan, di derbarê pêşhatên dawî yên siyasî û emnî yên deverê de nêrînên xwe danustandin. Di vê çarçoveyê de Qubad Talebanî tekez kir; Divê hemû aliyên herêmê bi berpirsyarî tevbigerin.

Di mijareke din de rewşa Herêma Kurdistanê û danûstandinên pêkanîna hikûmeta nû hatin gotûbêjkirin. Di vê derbarê de Cîgirê Serokwezîr amaje bi danûstandinên navbera YNK û PDKê kir û eşkere kir ku tîmên teknîkî danûstandin bi dawî kirine û em hêvîdar in di demeke nêzîk de bigihin rêkeftinekê bo pêkanîna hikûmeteke ku hêviyên welatiyan pêkbîne.

Di derbarê peywendiyên di navbera Herêma Kurdistanê û Bexdayê de jî, Qubad Talebanî got ku, ji bo çareserkirina pirsgirêkên darayî gavên baş hatine avêtin û piştî pesendkirina sererastkirina bûdceyê, hawirdoreke guncaw ji bo çareserkirina pirsgirêkan û nakokiyên din ên di navbera Herêma Kurdistanê û Bexdayê de hatiye çêkirin.

PUKMEDIA