Amarên Nexweşiya Penceşêr`ê zêde bûye

PUKMEDIA

Penceşêr

Roja Cîhanî ya Penceşêrê di 4ê Sibat`ê de ji bo bilindkirina hişyariya Penceşêrê û pêşxistina pêşîlêgirtin, tespîtkirin û dermankirina wê, rojek navneteweyî ye, Nexweşxaneya Penceşêrê ya Hîwa ya Silêmaniyê sala borî 3 hezar û 310 nexweşên Penceşêr`ê dan û 201 jê zarok bûn.

Penceşêr nexweşiyek kujer e ku her salê li seranserê cîhanê gelek mirovan dikuje, sedema vê nexweşiyê hê jî nayê zanîn û derziyek jî ne hatiye çêkirin,ew nexweşiyek e ku dema ku şaneyên bê kontrol dabeş dibin û li tevnên derdorê belav dibin çêdibe,Penceşêr ji ber guherînên DNAyê dirust dibe ku zêdetirî 100 cureyên Penceşêrê hene.

Silêmanî paytexta dermankirina Penceşêr`ê ye

Rêvebirê nexweşxaneya Hiwa ya Penceşêrê ya Silêmaniyê Dr.Yad Neqşebendî ji PUKMEDIA re ragihand, Silêmanî paytexta dermankirina Penceşêrê û neqla mêjûya hestî li Herêma Kurdistan`ê û Êraq`ê ye. 

Li ser zêdebûna hejmara bûyerên Penceşêrê, wî got: Zêdebûna haletên Penceşêrê berdewam û cîhanî ye.

Navbirî got:Li parêzgeha Silêmaniyê di sala 2019an de 2675 haletên Penceşêrê hebûn, lê di sala 2023an de 3285 haletên Penceşêrê hebûn, ku di heyama 4 salan de hezar halet zêde bûne û sala borî jî 3 hezar û 310 kes tûşî cûreyên Penceşêrê li bajêr bûne, lê belê, zêdebûna van hejmaran nayê wê wateyê ku divê welatî hest bi tirsê bikin;belkî divê hikûmet û aliyên peywendîdar li ser tespîtkirina zû ya Penceşêrê di asta herî bilind de bixebitin.

Dîroka Penceşêr`ê

Dibe ku bi hezaran sal berê vedîtin û nivîsandin lê belê, nexweşî bixwe bi rastî ji beriya pêşkeftina mirovan ve heye.

Cara ewil 5000 sal berê li Misr`ê ew nexweşî hat bi belgekirin û ji wê demê ve, mirovên ji çandên li çar aliyê cîhanê li ser nexweşî û dermankirinên wê yên potansiyel nivîsandine.

Di sala 1838 an de, pathologê Elman (Johannes Muller) destnîşan kiribû ku Penceşêr ji şaneyan pêk tê, lê wî bawer kir ku hucreyên Penceşêr`ê ji şaneyên normal dernakeve, Muller pêşniyar kir ku hucreyên Penceşêrê ji hêmanên şînbûyî (blastema) di navbera tevnên normal de pêşve diçin.

Ew yekem bi neştergerî hate dermankirin, her çend bijîşkên destpêkê fam kirin ku Penceşêrê pir caran piştî neştergeriyê vedigere.

Kîmyazanê Elman (Paul Ehrlich) di destpêka salên 1900 an de bi dermanên dermankirina nexweşiyên infeksiyonê dest pê kir û Wî têgeha (kemoterapî) ji bo danasîna karanîna kîmyewî ji bo dermankirina nexweşiyê destnîşan kir, Lê belê, ew derbarê dermanê dermankirina penceşêrê de ne pir xweşbîn bû.

Penceşêr digel mezinbûna temen berbelavtir dibe, û bêtir mirov dirêjtir dijîn, ev jî xetera Penceşêr`ê zêde dike.

Beşek agahdariyên di vê gotarê de ji Malpera Verywell Health bû.

PUKMEDIA