Nûner dê bicivin û qanûna butçeyê bê guhertin

PUKMEDIA

Meclîsa Nûneran

Endamê Lijneya Darayî ragihand, biryar e roja yekşemê Parlamentoya Iraqê bicive û deng li ser çend proje yasayên girîng bide, ku ya herî girîng jî guhertina yasaya bûdceyê ye ku girêdayî hinartina petrola Herêma Kurdistanê ye.

 Serokwezîr û fraksiyonan li ser derbaskirina budceyê li hev kirin.Meclisa Nûneran bernameya civîna bê ya ku biryar e roja yekşemê bicive eşkere kir. Guherîna butçeyê wê ji aliyê Serokwezîr ve bê dengdan. Serokên hemû fraksiyonan li hev civiyan û bi yekdengî li ser pesendkirina wê li hev kirin.

Di vî warî de Dr. Narmîn Merûf Endama Lêjneya Darayî ya Parlamentoya Iraqê ji PUKMEDIA re ragihand:“Serokwezîrê Iraqê û serokên fraksiyonên encûmena nûneran li ser giringiya pesendkirina yasaya bûdceyê ya hinartina petrola Herêma Kurdistanê ku hemû serokên fraksiyonan li gel serokwezîr razî bûn gotûbêj kirin.

Li bendê ye ku guhertina xala 12’an a qanûna bûdceyê bi piraniya dengan were qebûlkirin.

 Ji aliyê din ve Ofîsa Ragihandinê ya Serokwezîrê Iraqê di daxuyaniyekê de ragihand ku nusxeyek ji PUKMEDIA hatiye wergirtin: “Serokwezîr û serokên fraksiyonên nûneran diyar kirin ku pêwîste yasaya bûdceyê bê guhertin û li gor berjewendiya aboriya Iraqê were sererastkirin, ku hemû kesên di civînê de amade bûn piştevaniya xwe ji bo pesendkirinê nîşan dan.

PUKMEDIA