Şenaz Îbrahîm Ehmed:Gorên komî bîranên bi êş in

Nivîsingeha Ragihandina Şanaz Îbrahîm Ehmed

Şanaz Îbrahîm Ehmed

Îro roja Şemiyê rêkefta (25-1-2025) an Xanim Şenaz Ibrahîm Ehmed gotarek bi sernavê (Dermankirina birînên dîrokê, rêzgirtin li qurbaniyên jenosîda Enfalê) li ser malpera (Newsweek) ya Emrîkî belav kir.

Derbarê gotara Xanima Yekem Ya Êraq`ê got: Di vê axaftinê de ezê nêrînên xwe yên derbarê êşên civakên bindest de û waneyên ku divê em tu carî ji bîr nekin, bînim ziman.

Xanim Şanaz Ibrahîm Ehmed amaje bi wê yekê jî kir ku gorên komî bîranîneke bi êş e ji bo welatên ku tûşî tundûtûjiyê bûne û rejîmên zordar erdên wan kirine goristanên bêdeng.

Xanim Şenaz Îbrahîm Ehmed di beşeke din ya gotara xwe ya rojnameya Newsweek de behsa serdana xwe bo Semawa kiriye dibêje: Dema ku ez çûm ser axa pîroz li biyabana Tel-El Şêxiye, min hest bi bê bextiya qurbaniyan û berpirsyariya me kir, malbatên wan ne tenê hevxemiyê heq dikin, di heman demê de hewceyê pêngavên kirdarî ne.

Di berdewamiya gotara xwe de ragihand ku,ev ne tenê ji bo paşerojê, di heman demê de ji bo pêşeroja me ye û her ruhê ku di van gorên komî de winda dibe, bedelê bêdengî û bê çalakîtiyê ye, divê çîrokên wan werin vegotin daku fedakariya wan her û her di wijdanê mirovahiyê de bimîne.


Di gotarê de wusa nivîsiye: Divê em bi hevre bîranîna wan biparêzin, dadweriyê pêk bînin û pêşerojeke wisa ava bikin ku têde tu zarok ji tirsan re dayika xwe hembêz neke.

Di beşa Îngilîzî ya PUKMEDIA de, nivîsa xanim Şenaz Îbrahîm Ehmed bixwîne:

PUKMEDIA