Dadgeha Bilind a Îdarî giliyên Ereb û Tirkmen ên li dijî Kerkûkê red kir

Encûmena Parêzgeha Kerkûkê

PUKMEDIA

Dadgeha Bilind a Îdarî ya Iraqê giliyên Eniya Tirkmen û Hevpeymaniya Erebî ya li ser civîna li Hotêla Reşîd a li Bexdayê ku parêzgar û serokê encûmena parêzgeha Kerkûkê tê de hatibûn hilbijartin, red kir.

Di vî warî de Wezîrê Dadê Xalid Şivanî di peyamekê de got: "Biryara Dadgeha Îdarî bi temamî yasayî û dadperwere û hêvîdar im ev biryar derfetek ji bo vegera hemû endamên encumenê ji pêkhateyên cuda yên parêzgeha Kerkûkê çêbike."

"Encûmenek xizmetguzarî bi hev re dikarin xizmeta xelkê Kerkûkê bikin û di nav de hemû pêkhate" Xalid Şivanî wiha dibêje.

Serokê hevpeymaniya Kerkûkê Rêbwar Taha di 10ê Tebaxa 2024ê de wek parêzgarê Kerkûkê hat hilbijartin û Mihemed Hafiz jî li ser navê Eniya Tirkmen wek Serokê Encûmena Parêzgeha Kerkûkê hat hilbijartin, û hevpeymaniya erebî li Kerkûkê li dijî wê biryarê gilî li dadgeha îdarî kirin û îro jî gilî red hat kirin.

PUKMEDIA