Mekteba Siyasî ya YNKê: Vegera mal û milk, pêkanîna dadweriyê ye

Logoya Mekteba Siyasî

PUKMEDIA

Mekteba Siyasî ya Yekîtiya Niştimanî ya Kurdistanê (YNK) bi boneya betalkirina biryarên Encûmena Serkirdatiya Şoreşê pîrozbahî li xelkê Kerkûkê û navçeyên veqetandî kir: “Betalkirina biryarên destdanîna ser erdên xelkê li Kerkûk û her cihekî din li navçeyên veqetandi  ji bo yekkirina dadweriyê û îsbatkirina mafên xelkê ye.’’

Mekteba Siyasî ya Yekîtiya Niştimanî ya Kurdistanê (YNK) pîrozbahiyê li xelkê Kerkûk û navçeyên veqetandi  bi taybetî cotkarên Kurd û Tirkmen dike.

 Parlamentoya Iraqê îro deng li ser yasaya betalkirina biryarên Encûmena Serkirdayetiya Şoreşê ya hilweşiyayî da, ku ev nêzîkî 50 sal in ji aliyê rêjîma berê ya Beis ve mal û milkên  xelq  hatiye dagîrkirin.

“Bi vê minasebetê em pîrozbahiyê li serokê civata nûneran û fraksiyonên wê dikin ku dengdan li ser vê yasayê kirin.Wan bi berpirsiyarî û ruhê netewî bi vê meseleya hestiyar a mafên welatiyên me re mijûl bûn. Her wiha em pîrozbahiyê li fraksyonên Kurdistanî û bi taybet Fraksiyona Kesk û tîma YNKê ya li Bexdayê dikin ku hewlên wan ên bêwestan ji bo bidestveanîna lihevkirinekê li ser vê mijarê bû.

“Em weke Yekîtiya Niştimanî ya Kurdistanê (YNK) di wê baweriyê de ne ku betalkirina biryarên destdanîna ser erdên xelkê li Kerkûk û her deverên din ên navçeyên veqetandi  bo yekxistina dadweriyê û îsbatkirina mafên xelkê ye.’’Wiha got

PUKMEDIA