Pereyên bijmêrên Silêmanî tên dabeşkirin

PUKMEDIA

Dînarên Êraqî

Piştî du mehan serjimêriya giştî ya nifûs û xaniyan li Êraqê, duh yekşemî 18/1/2025ê, mûçeyên darayî li ser serjimarvanan li parêzgeha Silêmaniyê hat dabeşkirin, derbarê mûçeyên karmendên sindoqan ên hilbijartinên Parlamentoya Kurdistanê mektebên Komisyona Hilbijartinan heta niha li bendê ne ku fermana dabeşkirina mûçeyan ji Bexdayê were.

Di vê derbarê de Rêveberê Dezgeha Amar li Silêmaniyê Şwan Cebbar di daxuyaniyekê de ji PUKMEDIA re ragihand: “Destkeftên darayî yên karmendên serjimêriya giştî ya xelkê Silêmaniyê gihîştine Silêmaniyê û duhî dest bi dabeşkirina wan kiriye, herweha di heftiya borî de li Hewlêr û Duhokê hatin belavkirin.
Roja 20/11/2024ê serjimêriya giştî ya niştecih û xaniyan li Êraqê hat encamdan û zêdetir ji 400 milyar dînar jêre hat terxankirin, di serjimêriyê de 20 hezar serjimarvan li Herêma Kurdistanê beşdar bûn û her yek ji wan mehane 250 hezar dînar werdigire.

Karmendên sindoqan li benda wergirtina mûçeyên xwe ne

Komîsyona Bilind a Serbixwe ya Hilbijartinan li Êraqê dest bi dabeşkirina mûçeyên darayî li ser karmendên dengdanê bo hilbijartinên Parlamentoya Kurdistanê nekiriye û Rêveberê ofîsa Silêmaniyê ya komîsyonê tekez dike, ku wan hemû amadekariyên pêwîst kirine û li benda fermana debeşkirinê ne ji Bexdadê.

Rêveberê Ofîsa Komisyona Hilbijartinan ê Silêmaniyê Amanc Ezîz di daxuyaniyekê de ji PUKMEDIA re ragihand: Ofîsên komîsyonê yên li parêzgehên Silêmanî, Hewlêr û Duhokê hemû amadekariyên pêwîst ji bo dayîna mûçeyên karmendên sindoqan kirine. tenê maye ku em fermana mûçeyê wan ji Bexdayê werbigirin, dema ku ferman were em ê dê yekser dest bi dabeşkirinê bikin û wê du hefte pê biçe.


PUKMEDIA