Navenda Metro: PUKMEDIA û 5 cihên din rastî êrîşên elektironî hatin

PUKMEDIA

Êrîşên elektironî

Li gorî amarên herî dawî yên salane yên Navenda Metro ya Parastina Mafên Rojnamegeran,êrîşên elektironî zêde bûne û 6 malper û rûpel hatine armanckirin ku yek ji wan malpera fermî ya Yekîtiya Niştimanî ya Kurdistanê PUKMEDIA bû.Rêveberê navendê dibêje: Êrîşên elektironî û tundetûjî jî herdu metirsîdarin û yek armanc wan hene.

Rêveberê Navenda Metro Diyarî Mihemed ji malpera fermî ya Yekîtiya Niştimanî ya Kurdistanê PUKMEDIA re ragihand: Sala par 6 êrîşên elektronî li dijî saziyên çapemeniyê ku PUKMEDIA jî di nav de ye hatin kirin.

Diyarî Mihemed got: Êrîşên elektironî amûrek e ji bo çêkirina astengî ji dezgehan re çêke û nehiştina dengê wê bigihîje xwendevan û bînerên wê, lewra êrişên sîber û tundûtûjî hem metirsîdar in û hem jî heman armanca wan heye ku nehêlin agahî bigihêjin gel.

Li gorî Navenda Metro di sala 2024 de şeş êrîş hatine tomar kirin, lê di sala 2023 de ev hejmar çar bû.

Amarên navenda Metro di demekê de ye, ku di sala 2024ê de di dema kampîna şeşemîn civîna Parlamentoya Kurdistanê de, êrişî malpera fermî ya Yekîtiya Niştimanî ya Kurdistanê PUKMEDIA hatibû kirin û ew malper ji bo demekê ji kar hat girtin.

Li gorî amaran, sala borî 182 binpêkirin li dijî rojnamevanan hatine tomarkirin, di nav wan de 3 rojnamevan di êrîşên firokên bê firokevan de hatine kuştin, 103 caran rê li pêşiya rojnamevanan hatiye girtin û 6 êrîşên elektironî jî li dijî medyayê hatine encamdan, ku ev rêjeya ji sedî 22 zêde bûye li gorî ku kêm bûye. Di wê salê de 231 binpêkirin hatin tomarkirin.



PUKMEDIA