Guhertina bûdceyê pêşketineke baş bi dest xistiye

Parlamentoya Iraqê

PUKMEDIA

Lijneya Darayî ya Parlamentoya Iraqê di daxuyaniyekê de ragihand ku nusxeyek ji PUKMEDIA hatiye wergirtin:"Pêwîste Hikûmeta Herêma Kurdistanê bi rêya SOMO petrolê bifroşe û tekez kir, ku wan gavên baş di guhertina yasaya bûdceyê de avêtine û dê pirsgirêkên navbera Herêma Kurdistanê û Iraqê çareser bike."

Li gorî daxuyaniya Komîteya Darayî ya Encûmena Nûnerên Iraqê, di civînê de tekezî li ser wê yekê hat kirin ku divê hikûmeta Herêma Kurdistanê bi rêya SOMO petrolê hinarde bike û zanyariyan derbarê girêbestên petrolê bide hikûmeta federal û her wiha beşdariyê di birêvebirina zeviyên petrolê de bike. 

Komîteya Darayî behsa mekanîzma rêkxistina peywendiyên yasayî di navbera Hikûmeta Herêma Kurdistanê û Hikûmeta Navendî de ligel kompaniyên navdewletî yên ku di warên Herêma Kurdistanê de kar dikin, kir, ku her kes neçar e di demeke diyarkirî de wê peywendiyê bi cih bîne.

Komîteya Darayî di daxuyaniyekê de got: Komîteya Darayî gavên baş di serrastkirina yasaya bûdceyê de avêtiye, ku girêdayî çareserkirina pirsgirêkên hilawîstî yên di navbera Bexda û Hewlêrê de ye, bi taybetî mesrefa berhemanîna petrolê.

Biryar e sibe 19ê Çileya 2025ê Parlamentoya Iraqê bicive û li gorî bernameya ku nusxeyek ji PUKMEDIA re hatiye şandin, rûniştin ji 8 xalan pêk tê ku yek ji wan jî bi dengdana li ser guhertinên bûdceya federalî ye. 

PUKMEDIA