Tevlîkirina mûçe bi nekokiyên siyasî xeta sor ê yekîtî ye

Kurdistan 01:50 PM - 2025-01-13

PUKMEDIA

Yekîtiya Niştimanî ya Kurdistanê û Serokê wê Bafil Celal Talebanî bi berdewamî tekezî li ser wê yekê dikin ku pêwîste mûçe û jiyana hevwelatiyên Kurdistanê bi kêşe û nekokiyên siyasî ve neyê girêdan û maf û mafên darayî yên gelê Kurdistanê bi taybetî mûçeyên karmendan misoger bin li ser bingeha destûra Êraqî û biryarên Dadgeha Bilind a Federalî.

Ji pirsgirêkan re çareseriyeke radîkal bê dîtin

 

Di vê derbarê de endama civata serkirdayetiya Yekîtiya Niştimanî ya Kurdistanê Rebîhe Hemed di daxuyaniyeke taybet de ji PUKMEDIA re ragihand: Serok Bafil û Yekîtiya Niştimanî ya Kurdistanê hertim tekezî li ser wê yekê dikin ku mûçe û debara welatiya bi nekokî û pirsgirêkên siyasî yên di navbera hêzên siyasî yên herêmê de û her wiha di navbera herêmê û Bexdayê de tevlihev nekin, hewlên xwe di vî warî de berdewam dike, bi serdanên gelek caran bo paytext Bexdayê û hevdîtinên bi hemû aliyên siyasî re mebesta dîtina çareseriyeke radîkal û dawîn ji bo pirsgirêkên heyî.

Rabîhe Hemed her wiha got: Destûra Êraqê mafê jiyana azad û dabînkirina mafên xwe ji bo hemû welatiyên Êraqê garantî dike û nabe tu cudahî di navbera parêzgehên Êraqê û Herêma Kurdistanê de hebe, bi taybetî di warê dayîna destkeftên darayî de.

Garantîkirina mafên welatiyan û bidawîkirina cihêkariyê

 

Li ser heman mijarê endamê Encûmena Serkirdayetiya Yekîtiya Niştimanî ya Kurdistanê Xidir Mistefa ragihand: Yekîtiya Niştimanî li hember baştirkirina rewşa jiyana welatiyan xwedî helwesteke tund e, lewma berdewam berevaniyê li mafên gelê Kurdistanê dike. Di dema ku ji Bexdayê daxwaz dike ku mûçeyên karmendên herêmê bi nekokiyên siyasî re neyê tevlihevkirin, ew daxwaz dike ku li Herêm jî bi desthilatdarî û cihêkariyê di pêşkêşkirina xizmetguzariyan de bi dawî bibe.

Yekitiya Niştimanî ya Kurdistanê ji bo hevwelatiyan rastkirina rêbaza hikûmeta Kurdistanê ji erkê xwe dibîne û me di civînên xwe yên ligel aliyên din ên ji bo gotûbêjkirina pêkanîna hikûmeta nû ya herêmê tekez li ser vê yekê kiriye. Got jî hemwelatiyên Kurdistanê bi zelalî hest bi vê cudahî û neheqiyê kirin di Kabîneya niha ya hikûmetê de, lewma Yekîtî dixwaze ku hikûmeta nû bi awayekî dadperwerî û wekhev xizmeta welatiyan bike. Di vê derbarê de peyamek ji bo hemû partiyan bi taybetî Partiya Demokrata Kurdistanê gihand.

Di civîna Îtîlafa Îdareya Dewletê de ku êvareya roja yekşemê 12/1/2025 li Bexdayê birêve çû, Serokê Yekîtiya Niştimanî ya Kurdistanê Bafil Celal Talebanî tekez kir ku, ji niha û pê ve nabe ku mûçe were tevlihevkirin. Ji ber ku li gorî destûrê divê li Herêma Kurdistanê jî wek hemû karmendên Êraqê mûçeyên wan bi awayekî wekhev were dabeşkirin, nabe welatî ji heqê xwe bê par bimîne.

Herwiha amaje bi wê yekê jî dike ku Serok Bafil ev peyam gihandiye nûnerên welatan û serkirdeyên siyasî li Êraqê da ku ev dosya nebe dosyayeke siyasî û welatiyên Kurdistanê nebin qurbaniyên wê û daxwaz kir ku bi biryarên Dadgeha Federalî pabend bin da ku pirsgirêka mûçeyên karmendan bi yekcarî were çareserkirin.

PUKMEDIA