Bi çavdêriya Talebanî merasîma geşepêdana saziyên geştiyariyê birêve diçe

Kurdistan 11:10 AM - 2025-01-12

merasîma pêşxistina saziyên geştiyariyê li Herêma Kurdistanê

 Îro 12-1-2025, bi çavdêriya Qubad Talebanî merasîma pêşxistina saziyên geştiyariyê li Herêma Kurdistanê li Hewlêrê birêve çû û têde 170 jin beşdarî çalakiyê bûn û gelek berhemên kêm û bêhempa hatin pêşandan.

Hejmara geştiyarên ku tên Herêma Kurdistanê zêde bûne

 

Îro 12-1-2025, Cîgirê Serokwezîrê Herêma Kurdistanê Qubad Talebanî ji bo pêşxistina navendên geştiyariyê li Herêma Kurdistanê merasîmek li dar xist. Talebanî ragihand: Xweşbextane li Herêma Kurdistanê hejmareke zêde ya deverên geştyarî yên me hene û sal bi sal hejmara geştiyarên ku tên herêmê zêdetir dibe.

Qubad Talebanî ji bo girêdana sektora geştiyariyê bi çandiniyê re destpêşxer bû

 

Di vê navberê de Wezîrê Şaredarî û geştûguzariyê Sasan Awnî jî wiha got: Em spasiya Qubad Talebanî dikin ku destpêşxeriya girêdana sektora geştiyariyê bi çandiniyê re kiriye û me giringî daye deverên geştyarî û rêyên wê da ku welatî bi hêsanî xwe bighîninê.

Got jî: Em ê ji bo karsaz û sermayedarên ku dixwazin di sektora geştûguzariyê de veberhênanê bikin re geşepêdana sektora geştyariyê hêsan bikin û em ê alîkariya wan bikin.

Berhemên ku li heşt cihan li Herêma Kurdistanê hatine çêkirin, dê di merasîmê de ji bo pêşxistina saziyên geştiyariyê li Herêma Kurdistanê bên firotin û hemû jî berhemên kêm û bêhempa ne ku çanda kurdî nîşan didin.

PUKMEDIA