Goreke nû ya komî li nêzîkî Neqret El-Salman hat dîtin

Kurdistan 11:08 AM - 2025-01-09

Wergirtina sampilên xweînê

Hat ragihandin ku goreke komî ya nû ku rûfatên şehîdan tê de li bajarê Semawayê de hatiye dîtin, di heman demê de serokatiya Komar tekez kir ku qonaxa duyemîn a girtina sampilên xwînê ji malbatên enfalkiriyan dê di demek nêzîk de dest pê bike.

Yekîtiya Niştimanî kar dike bo vegerandina rufatên şehîdan

 

Endama Komîteya Şehîdan û Girtiyên Siyasî ya Parlamentoya Kurdistanê Çiro Hema Şerîf ji PUKMEDIA`yê re ragihand: Yekîtiya Niştimanî ya Kurdistanê bi berdewamî hewl dide termên şehîdan vegerîne warên wan.
Wê got jî: Qonaxa duyem a kampîna niştimanî ya komkirina sampilên xwînê û zanyariyan ji malbatên qurbaniyên Enfalê dê di demek nêzîk de dest pê bike, û xanima yekem Şenaz Îbrahîm Ehmed roleke mezin di piştgirî û piştgîriya erkên vegerandina rufatên Enfalê bo warên wan yên resen de lîst.

Goreke komî ya nû hat dîtin

 

Şêwirmendê Serokatiya Komarê Per Nûrî Ezîz ji PUKMEDIA re ragihand: Goreke komî ya nû li nêzîkî devera Neqret El-Silman li bajarê Semawe li parêzgeha Musene hate dîtin ji bo komkirina agahî û sampilên xwînê ji xwediyên enfalan, bi beşdariya tîmên Dezgeha Bijîşkiya Dadwerî li Bexdayê, Komîsyona Navdewletî ya Windayan.

Wê got jî: Di qonaxa duyem de, sampilên xwînê dê bên standin ji bo pêkanîna têstên DNA ji bo berhevkirina wan bi nimûneyên testa termên şehîdan bo diyarkirina nasnameya wan.
Wê got: Xanima Yekem ew e ku piştgirî û alîkariya tîmên pispor dike ku karên xwe bi lez temam bikin, û Hikûmeta Federal berpirsiyariya pêkanîna van têstan li gorî yasayê digire ser xwe.

PUKMEDIA