Serok Bafil: Armanca me aramiya herêmê ye

Ofîsa ragihandinê ya Serokê YNKê

Serok Bafil û Ammar Hekîm dicivin

Serokê Yekîtiya Niştimanî ya Kurdistanê (YNK) Bafil Celal Talebanî li baregeha Mekteba Siyasî ya YNKê li Silêmaniyê pêşwaziya Serokê Tevgera Hikmeta Niştimanî (Hikme) birêz Ammar El Hekîm kir.
Di civînê de ku endamên Mekteba Siyasî ya YNK’ê Refaat Ebdullah û Nizar Amedî jî amade bûn, tekez li ser girîngiya yekxistina hewlên niştimanî ji bo çareserkirina pirsgirêkan  û çareserkirina astengiyên li pêşiya pêşketina siyasî kirin, hate kirin.

Her du alî tekez li ser çareser kirina pirsgirêkên  di navbera Hewlêr û Bexdayê de bi rêya destûr û rêkeftinên siyasî kirin, her wiha handana diyalog û têgihiştinê di navbera hevkarên hikûmetê de ji bo dabînkirina çareseriyên yasayî, piştgîriya serkeftina bernameya xizmetguzariya hikûmetê û bihêzkirina saziyên destûrî kirin.

Her wiha di hevdîtinê de rewşa Rojhilata Navîn bi taybetî Sûriyê hate gotûbêjkirin û tekezî li ser giringiya nehiştina aloziyan û xurtkirina helwestek yekgirtî di navbera hemû aliyan de ji bo parastina aramiya herêmê hate kirin.

Serok Bafil Celal Talebanî helwesta YNKê ya derbarê mijarên cuda de eşkere kir û wiha got: “Em bi awayekî bêwestan ji bo avakirina hikûmeteke dadperwer û xizmetguzarî ku pêwîstiyên welatiyan esas bigire kar dikin. Em pabend in li ser parastina mûçeyên karmendan û mafên darayî yên Herêma Kurdistanê dûr ji  nakokiyên siyasî û dîtina çareseriyên berfireh li gorî biryarên Dadgeha Bilind a Federalî.”

Di derbarê geşedanên Rojhilata Navîn de jî Serok Bafil got: Em ji nêzîk ve bûyeran dişopînin û pêşwaziya hemû hewlên ji bo pêşxistina aştî, aramî û asayîşa navçeyê dikin.’’

PUKMEDIA