Di 2024 de zêdetirî 10 hezar giliyên cuda li Saziya Asayîşê hatin kirin

PUKMEDIA

Asayîş

Saziya Asayîşê ya Herêma Kurdistanê amarên derbarê karên xwe yên di sala 2024an de eşkere kir û tekez kir ku hejmara giliyên ku li cem wê hatine tomarkirin zêdetirî 10 hezar gilî bûne.

Eqîd Selam Ebdilxaliq, rêveberê ragihandinê yê Saziya Asayîşê li herêmê di civîneke rojnamevaniyê de got: Di sala 2024an de 257 operasyon li dijî terorîstan û 74 dorpêç jî ji bo jinavbirina navendên terorîstan li navçeyên curbicur hatin kirin. ku 636 terorîst hatin girtin û li gor xalên 2 û 4 qanûna Dijî Terorê hatin cezakirin.

Got jî: di heyama îsal de 126 operasiyonên hevbeş di navbera hêzên asayîşa Kurdistan û Êraqê de hatine encamdan û 1019 kes bi tohmeta bikar anîn û bazirganîkirin bi madeyên hişber hatine girtin û 324 ton û 600 gram madeyên hişber hatine dîtin.

Rêvebirê ragihandinê yê Dezgeha Asayîşê amaje bi wê yekê jî kir ku “gilî û şopandinên têkildarî tawanên elektronîkî 3 hezar û 283 giliyan e û bi giştî 10 hezar û 157 giliyên tawanên curbicur li cem Dezgeha Asayîşê hatine tomarkirin.

PUKMEDIA