Êraq temamkarê mûçeyê meha Mijdarê ji Herêma Kurdistanê re dişîne

Kurdistan 12:10 PM - 2024-12-26

Pereyên Êraqî

Biryar e di çend rojên bê de hikûmeta federal mûçeyên meha Mijdarê yên Herêma Kurdistanê bişîne.

Nûnerê Yekîtiya Niştimanî ya Kurdistanê Dr.Bryar Reşîd ji PUKMEDIA re ragihand: Biryar e di rojên pêş de hikûmeta federal mûçeyê meha Mijdarê yê fermanberên Herêma Kurdistanê temam bike.
Got jî: zaniyariyên ku di destê me de hene, amaje bi wê yekê dikin ku hikûmeta federal dê di demek nêzîk de mûçeyên karmendan dabîn bike û em hêvîdar in ku bo sala bê hikûmeta herêma Kurdistanê û hikûmeta federal bigihin rêkeftineke dawî bo bidawîkirina pirsgirêka dayîna mûçeyên karmendan li herêma Kurdistanê.
Wezareta Darayî ya Federalî zêdetirî 631 milyar dînar wek terxankirina mûçeyên meha Mijdarê yên Herêma Kurdistanê şandibû, lê Hikûmeta Herêma Kurdistanê piştrast kir ku ev mûçe têra dayîna mûçeyan nake û li bendê temam kirina wê ye.

Temamkirina mûçe

 

Li gorî şopandina çapemeniyê ya PUKMEDIA, hikûmeta federal ji bo meha Mijdara îsal 631 milyar dînar ji bo mûçeyên karmendan şandiye, ji bo dayîna mûçeyên mehekê jî pêwîstiya hikûmeta herêmê bi 996 milyar dînar heye û kêmasî têde heye.
Wezareta Darayî ya Herêma Kurdistanê hizra gihandina 215 milyar dînarên din ji 430 milyar dînarên din dike, ku biryar bû di çarçoveya bûdceyê de ji bo dabînkirina kêmasiya mûçe were veguheztin, ji bo dabeşkirina mûçeyan. Ji bo temamkirina mûçeyên 10ê Mijdarê yekem dayîna 215 milyar dînar ji Wezareta Darayî hat şandin.

PUKMEDIA