Serok Bafil: Em piştgiriya diyalog û çareseriya aştiyane dikin

Kurdistan 09:00 PM - 2024-12-23
 Serokê YNKê û konsûlê Rûssiya Ofîsa çapemeniyê ya Serok Bafil

Serokê YNKê û konsûlê Rûssiya

Pêyiwendiyên Dîplomasî YNK

Li Silêmaniyê Serokê Yekîtiya Niştimanî ya Kurdistanê (YNK) Bafil Celal Talebanî pêşwaziya Konsulê Giştî yê Rûsyayê li Herêma Kurdistanê Maksîm Rûbîn kir.

Her du aliyan tekezî li ser berfirehkirina peywendiyan û berfirehkirina hevkariyê ji bo parastina berjewendiyên sereke û aramiya navçeyê kirin.

Her wiha li ser bûyer û pêşhatên dawî yên siyasî li Rojhilata Navîn bi taybet rewşa Sûriyê gotûbêj kirin. Her du aliyan tekezî li ser wê yekê kirin ku divê diyalog û jihevtêgihiştin bibe bingehek ji bo çareserkirina pirsgirêkan û tekez kirin ku divê di çarçoveya welatekî aram de mafên hemû civakan bên parastin.

Serok Bafil bal kişand ser helwesta YNK'ê ya di hemû mijaran de û wiha got: “Siyaseta me şopandina çareseriyên aştiyane û diyalogê ye. Em piştgiriya her destpêşxeriya ku li ser parastina mafên gelê kurd û dabînkirina aramiya herêmê be. Şert û mercên niha yên li Sûriyê pêwîstî bi têgihiştin û hevkariyeke rasteqîne heye. Em hêvîdar in ku her kes bi vê exlaqê ji bo siberoja gel û refaha welatiyan têbikoşe."

Di civînê de pêkanîna hikûmeta dahatû ya Herêma Kurdistanê mijareke dinê axaftinê bû û Serok Bafil ragihand: “Di vê qonaxê de guhertina radîkal di proseya hikûmetê de pêwîstiyeke girîng e. Divê hikûmeta bê bi awayekî adil xizmetên xwe pêşkêş bike. Divê ew hêz û nûjenkirina Kurdistanê bike armanc, ne ku ji bo berjewendîyên partîyan cudakarî û manîpulekirina desthilatdariyê bike.


PUKMEDIA


zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket