Serok Bafil: Em di hikûmeta bê de edaletê dixwazin

Ofîsa Serok Bafil

Serokê YNKê û Serokwezîrê Iraqê

Serokwezîrê Iraqê Mihemed Şîa Sûdanî li Bexdayê bi Serokê Yekîtiya Niştimanî ya Kurdistanê (YNK) Bafil Celal Talebanî re civiya.

Di hevdîtinê de pêşhatên dawî yên Iraq û navçeyê hatin gotûbêjkirin û tekez li ser çareserkirina pirsgirêkan û yekxistina hewlên niştimanî ji bo çareserkirina pirsgirêkên  navçeyê li Iraq û Herêma Kurdistanê kirin.

Di civînê de pabendbûna hikûmetê ya ji bo pêşkêşkirina xizmetguzariyan bi awayekî wekhev û dadperwerane ji bo hemû welatiyan dûpat kir.

Pirsgirêkên navbera Hewlêr û Bexdayê, paşxistina mûçeyên fermanberên Herêma Kurdistanê û bandora wê ya nerênî li ser jiyan û refaha xelkê.

Mijareke din a civînê ya Serok Bafil ev bû ku YNK piştgiriya  biryarên Dadgeha Federalî ya bilindkirina mûçeyên fermanberên Herêma Kurdistanê dike. Daxwaz ji serokwezîr kir ku wek her car ji bo parastina maf û layiqên gelê kurd û nehiştina siyasîkirina vê pirsa netewî hevkarî û pişgiriyê bike.

Di civînê de her wiha li ser avakirina hikûmeta nû ya li ser bingeha şirîkatiya rasteqîn hate gotûbêjkirin.Her wiha tekezî li ser rêveberiyeke xizmetguzarî û dadmendî hate kirin û di vê derbarê de Serok Bafil got ku helwesta me di derbarê pirsa hikûmeta nû de eşkere ye û em wekhevî û dadperweriyê weke bingehê hikûmetê dixwazin.

Divê ew siberojek be ku bê cudahî xizmeta her kesî bike, armanca wê bihêzkirina Kurdistanê ye û bikaribe pirsgirêkên girêdayî jiyana xelkê çareser bike.

PUKMEDIA