Piştî zêdetirî 50 salan desthilatdariya malbata Esed bi dawî bû

PUKMEDIA

Serokê berê yê Sûriyê Beşar Esed

Hikûmeta Beşar Esed piştî 24 salan hilweşiyaye û serok komarê berê yê Sûriye bi firokeyê berbi cihekî ne diyar çûye; Serokê hilbijartî yê Emrîka Donald Trump ragihand ku Esed welatê xwe bi cih hêlaye û careke din Rûsya wî naparêze.

Di heman demê de piştî ku grûpên çekdar yên Sûriyê bi serkêşiya Rêxistina Tehrîr El-Şam derbasî paytexta Sûriyê Şamê bûn û rûxandina hikûmeta Beşar Esed ragihandin, wan got: Ev serdema tarî li Sûriyê bi dawî bû û serdemek nû dest pê dike.

Esad ji Şamê derket

Ajansa nûçeya ya Ruters li ser zarê du efserên artêşê ji ragihand ku piştî ku çekdarên Tehrîr Elşam nêzîkî navenda Şamê bûn;Beşar Esed serokê Sûriye bi firokeyê ji bajarê Şam ya paytexta Sûriye berbi cihekî ne diyar çûye.

Trump hilweşandina rêjîma Beşar Esad ragihand

Serokê hilbijartî yê Emrîka Donald Trump îro danê sibê rêkefta (08-12-2024) an bi fermi  hilweşandina Serokê Sûriyê Beşar Esed ragihand.

Donald Trump di nameyekê de li ser tûra  xwe ya civakî ku arsteya  Rûsya û Îranê kiriye têde  ketina desthelata Esed ragihand û got: Esed welat terikand û reviya û Rûsya careke din wî naparêze.

Hêzên hikûmetê parastin nekirin

Li gorî nûçeya Reutersê, grûpên çekdar ragihandin ku hêzên hikûmetê paytext Şamê neparastin û xwe teslîm kirin.

Serdemek nû dest pê dike

Piştî ku grûpên çekdar bi serokatiya Rêxistina Tehrî El Şam gihîştin nav bajarê Şam`ê û rûxana hikûmeta Beşar Esed ragihandin amaji bi wê yekê kirin ku; ev serdema tarî li Sûriyê bi dawî bû destpêka serdemek nû dê dest pê bike.

Sûriye dê li jêr çavdêriya serok wezîrên berê de bimîne

Ehmed Şera (Ebû Mihemed el-Colanî), serokê Rêxistina Tehrîr El-Şam, piştî gihîştina Şamê got: Nêzîkbûna saziyên giştî li Sûriyê qedexe ye û saziyên giştî di bin çavdêriya Mihemed Xazî Celalî serok wezîrên berê yê Sûriyê de dimîne.

Serok wezîr dernakeve derveyî welat

Serokwezîrê berê yê Sûriyê Mihemed Gazî Celal di peyameke vîdyoyî de ji gelê Sûriyê re got: Ez ji mala xwe derneketiye û ez ê ji welat dernekevim;her weha daxwaz ji welatiya kir ku ziyanê negihînin mulkê giştî ji berk u di dawiyê de ew mulkên we ne.

Desthilatdariya malbata Esed bi dawî bû

Serokê berê yê Sûriyê Beşar Esed piştî mirina bavê xwe Hafiz Esed di sala 2000 de bû serok komarê Sûriyê û 24 salan li ser kar ma; îro danê sibê roja Yekşemê rêkefta (08-12-2024) an gûpîn çekdar yên bi serokatiya Rêxistina Tehrîr El Şam çûn nava bajarê Şam ya paytexta Sûriyê  û di daxuyaniyekê de ragihandin ku; piştî derbazbûna 50 salan li ser zilm û zordariya rejîma Be`is û 13 salên tawan û zordariya dersînorkirinê, piştî têkoşînek dem dirêj û rûbirûbûna bi her curê hêzên dagirker re, em dawiyê li vê  serdema tariyê tînin û em destpêka serdemeke nû ji bo Sûriyê radigihînin. 

PUKMEDIA