Mamostayên Ne razî:Dem guncaw e ji bo cîbicîkirina Tewtîn`ê

PUKMEDIA

Pereyê Îraqî, logoya TBI Bank

Îro danê sibê rêkefta ( 07-12-2024) an bi sedema paşdaketina mûçeyan û ji bo cî bi cîkirina Tewtîn`ê mamosta û beşek ji fermanberan ji bo şermezarkirina paşxistina mûçeyên xwe li ber avahiya Perwerdeya Rojava kom bûn û cade daxistin; her wiha Berdevkê Desteya Berevanîkirina li Mamostayên Ne razî got: Niha dem guncaw e ji bo cî bi cîkirina Tewtîna mûçexwerên herêma Kurdistan`ê; û tekez kirin ku di çend rojên bê de ewê serdana Bexdayê bikin.

Berdevkê Desteya Berevanîkirina li Mamostayên Ne razî di kongreyeke rojnamevaniyê de aşkere kir ku; niha dema guncaw e ji bo cîbicîkirina Tewtîn`ê û daxwaza Dadgeha Federalî û gotin: Di çend rojên bê de emê serdana Bexdayê bikin.

Berdevkê Mamosteyan got: Me dê pêştir xwepêşandanek li dar bixistiba, lê ji ber taqîkirinên xwendekaran mw ew yek paşdaxist, di destpêka dewamê birbar bû ku mûçe ji Bexdayê bihata Herêma Kurdistan`ê û di dema xwe de bihata dabeşkirin, lê çend roj in hikûmeta Herêma Kurdistan`ê dest daniye ser mûçeyan û bi behaneya kurtanînê mûçeyan dabeş nake.

Ev yek di demekê de ye ku; beriya niha Ziyad Cebar; Berpirsê Melbenda Yek yê Yekîtiya Nîştimanî ya Kurdistan`ê (YNK) li Silêmaniyê di daxuyaniyekê de ji medyayan re derbarê pirsa mûçe û boykota mûçexweran gotibû: Pêwîste pirsa mûçeyan ji aliyê çi aliyek ve weke karteke fişarê neyê bikaranîn, û hemû carekê jî cudahiya Yekîtiya Nîştimanî ya Kurdistan`ê (YNK) digel aliyên din ew bû ku hertimî hewl daye pirsgirêka mûçe çareser bike; ne ku wî wekî navbeynkar ji bo rêkeftinê bikar bînin; di 3 salên bûrî de hemû hewlên Yekîtiya Nîştimanî ya Kurdistan`ê (YNK) ew bû ku bi hikûmeta federal re lihev bikin û pirsgirêkên navbera Herêma Kurdistan`ê û Bexdayê ji holê rakin ji bo çareserkirina pirsgirêka paşxistina mûçe.

PUKMEDIA