Divê Hikûmeta Herêma Kurdistanê ji bo krîza mûçeyan çareseriyekê bibîne

Arşîv

Parlamentera Parlamentoya Iraqê Bedriye Husên

Parlamenterekî Parlamentoya Iraqê daxwaz ji hikûmeta Herêma Kurdistanê kir ku bi cidî li jiyana mûçegiran binêre û pirsgirêkan çareser bike.

Parlamentera Parlamentoya Iraqê Bedriye Husên ji malpera fermî ya Yekîtiya Niştimanî ya Kurdistanê (PUKMEDIA) re ragihand:"Ji bo jiyan û debara welatiyan, pêwîste Hikûmeta Herêma Kurdistanê li ser şandina mûçeyan bi Bexdayê re pabend be, ji ber ku rewşa mûçeyan gelek xirabe."

 Bedriye Husên got: “Divê hikûmeta Herêma Kurdistanê li jiyana xelkê binêre û çareyekê ji vê kirîzê re bibîne.’’

Wezareta Darayî ya Iraqê ji bo hefteyekê 763 milyar dînar radestî Hikûmeta Herêma Kurdistanê kiriye, lê heta niha hikûmetê lîsteya mûçeyên meha cotmehê eşkere nekiriye û kêmasiya vê mehê jî 250 milyar dînar e.

Li gorî Wezareta Darayî, dahata herêmê ji derveyî petrola mehane 300 milyar dînar e, li gorî PUKMEDIAyê, hikûmeta Herêma Kurdistanê dikare pişta xwe bi dahata navxweyî ji bo dagirtina kêmasiya mûçeyê herêmê bigire û Soran Omer jî got: “Hikûmeta Herêma Kurdistanê di heyama 6 mehên ewil de zêdetirî 1.8 trîlyon dînar dahata Iraqê neşandiye.’’

PUKMEDIA