Parêzer: Şêrwan Şêrwanî di girtîgehê de îxanet tê kirin

PUKMEDIA

Şêrwan Şêrwanî

Parêzerê Şêrwan Şêrwanî aşkere kir:“Îxanet li Şêrwanî û malbata wî tê kirin û nahêlin di girtîgehê de mafên xwe yên yasayî werbigirin.’’

Parêzerê Şêrwan Şêrwanî di civîneke çapemeniyê de wiha got:“Li gorî yasa û rênimayên Wezareta Kar û Karûbarên Civakî mafê rojnamevan Şîrwan Şêrwanî heye ku her sê mehan carekê hefteyekê bihênvedanekî werbigire ku serdana xizmên xwe bike. "Ev maf ji bo girtiyên din jî heye, lê ji Şêrwan Şêrwanî re tê astengkirin. Ev cudakarî li ser bingeha bîr û baweriyên siyasî yên cuda ye."

“Rojnameger Şêrwan Şêrwanî ku bi neheqî girtî ye, piştî ku sê salên xwe yên ewil di girtîgehê de temam kir, li gorî bendê 295ê yê qanûna tawanan 2 sal cezayê girtîgehê lê hat birîn.’’ parêzer di konferansê de got.

Di dawiyê de jî parêzerê Şêrwan Şêrwanî got:“Divê Şêrwan Şêrwanî di meha Adarê de were berdan, lê ji ber dosyayek ku bi qestî hatiye windakirin di girtîgehê de tê ragirtin û me gelek caran lêkolîn li ser wê kiriye.’’

Roja 2-12-2022 nûnerê girtiyên Badînan aşkere kir: “Dema ku malbata wî li hêviya azadkirina wî bûn, rojnamevan Şîrwan Şîrwanî bo cara çaremîn li girtîgeha çaksaziyê ya Hewlêrê bi cezayê cûda cûda hat mehkûmkirin.’’

PUKMEDIA