Desthilatdarên Tirk di vê mijarê de hevkar nînin û li hemberî gelê me tundiyê dikin

PUKMEDIA

Parlamenterê DEM partî yê Herêma Şirnexê li Bakurê Kurdistanê Mihemed Zekî Îrmez

 Dem dema bidawîkirina qetlîama 100 salên borî ye

Parlamenterê DEM partî ragihad: Tişta ku niha çê dibe kampîneke, ne wek salên 2013 te 2015’an ji nû ve destpêkirina pêvajoya aştiyê ye. Di hevpeyvîneke kin de bi Kurdustanî Nwê got: Partiya me dê xebatên xwe yên ji bo ji nû ve destpêkirina proseya aştiyê li Tirkiye û Bakurê Kurdistanê bidomîne.

 Hevpeyvîn: Pîran Şemzînî

Parlamenterê DEM partî yê Herêma Şirnexê li Bakurê Kurdistanê Mihemed Zekî Îrmez di hevpeyvînekê de ligel Kurdistan New got: Em weke rêxistinên Dem partî ji destpêka salên 90 ve bi berdewamî şer dikin û ji bo bidawîkirin û çareser kirina pirsgirêk û nakokiyên navxweyî yên Tirkiyê bi giştî û pirsgirêka Kurd li Bakurê Kurdistanê bi taybetî xemxwerin.

Gelê me ji bo serkeftina pêvajoya aştiyê û bidawîkirina şer û kuştinê wê bi rêya demokrasiyê têkoşîna xwe bidomîne

Desthilatdar ne hevkar in
Hewldanên me ew e ku dawî li kuştin û girtinan bînin û herwiha çareseriyekê ji pêvajoya aştiyê re bibînin û rewşa navxweyî ya Tirkiyê aram bikin, lê desthilatdarên Tirk di vê mijarê de hevkar nînin û li dijî gelê me yê li Tirkiyeyê bi giştî û li Bakurê Kurdistanê tundiyê dikin.

Aşkire jî kir ku kampînek bi navê proseya aştiyê hatiye destpêkirin lê em nikarin jêre bêjin pêvajoya aştiyê ku em weke rêxistinên DEM partî çavdêriya rewşê dikin û hêvîdar in ku ev prose bidome da ku da k uber bi aloztiriyê ve neçe, ji berk u em dibînin ku dema dawîanîn li qetlîam100 salên pêş de hatiye ku heya niha ti encamp wê nebûye ş her nabe. Em hêvîdarin ku di wan sad salên bê de em ê bi hev re aştiyeke bingehîn li welatê xwe ava bikin û her civak bi nasname, çand û zimanê xwe xwe îspat bike.

Ma amajeya van danûstandinan aştiye?
Em hemû li navçeyên xwe di nava aramî û biratiyê de bijîn.
Armanc û daxwaza gelê Kurd li Tirkiyê ev e, lê dasthilatdarên Tirkiyê weke salên 2013-2015’an, ji bo aştiya navxweyî û lihevhatina rasteqîne, bi taybetî li navçeyên Kurdistanî yên Bakurê Kurdistanê, ti gavên cidî neavêtine.

Parlamenter Mihemed Zekî Îrmez di berdewamiya axaftina xwe de got: Piştî ku behsa pêvajoya aştiyê hat kirin, li bajarên cuda yên Bakurê Kurdistanê gelek şaredarên partiya me hatin girtin û ji kar hatin dûrxistin û qeyûm li şûna wan hatin danîn, ji ber vê yekê em di wê baweriyê de ne ku ev gavan pêvajoyeke nû ya aştî û çareseriyê nîşan nade û nîşan dide ku desthilatdarî dixwaze li ser heman zihniyet û rêya berê berdewam bike. lê gelê me ji bo serkeftina pêvajoya aştiyê û bidawîkirina şer û kuştinê dê bi rêya demokrasiyê têkoşîna xwe bidomîne.

Bênirxkirina hilbijartin û demokrasiyê
Amaje bi wê jî kir ku  em wek DEM partî berdewamin li ser danustandinan digel gelê Kurd, daku hay ji armanc û tiştên diqewimin hebin û partî bizane daxwazên gelê Kurd çiye, ji ber ku şikandina vîna netewî ya Kurd nayê qebûlkirin. Û got: Em dikarin bibêjin ku tayînkirina qeyûm pêvajoya hilbijartinê û encamên wê bi temamî bê nirx dike, ji ber ku mixabin ev pênaseya demokrasiyê ya li Tirkiyeyê ye.

Ji sala 2018’an û vir ve cara sêyemîn îradeya gelê Kurd hat tepisandin û li şûna serokê şarewaniyê ku hatiye hilbijartin qeyûm hat tayînkirin.

Em ê berdewam bin û bêdeng nemînin
Mihemed Îrmez diyar kir ku gelê Kurd dê li ser tayînkirina qeyûman bêdeng nemîne û îradeya gel binpê bike, ji ber ku gelê Kurd bi nasname, çand, ziman, dîrok û hunera xwe heye û ya ku niha diqewime nayê qebûlkirin.

Raya giştî ya Tirkiye û Bakurê Kurdistanê wê heta hetayê li hemberî reftarên hevpeymanî desthilatdar bêdeng nemîne, ji ber ku ya niha diqewime li dijî destûra bingehîn a dewleta Tirk bi xwe ye. Hemû şaredarên me bên girtin û ji kar bên dûrxistin jî ne mimkûn e û nikarin bi ser bikevin.

Mihemed Zekî Îrmez jî wiha got: Armanca dewletê bi tayînkirina qeyûman ew e ku şaredariyên me belav bike û destkeftiyên gelê kurd ên di rêveberiyên herêmî yên bajarên kurdan de tune bike lê gelê me ji van kiryaran hişyar û nerazî ye, ji ber wê jî xwepêşandan li parêzgeha Dêrsimê berdewam dikin.

Yekrêziya Kurdan a hemû parçeyan
Pêwîste gelê Kurd li herçar parçeyên Kurdistanê bibin yek, ji ber ku eger em daxwaza aştî û mafên xwe li Rojhilata Navîn bikin bi lihevkirin û yekrêzî bê guman bi dest dihênin Ji ber vê yekê divê armanca me ya yekem ji bo bidestxistina mafên xwe û çareserkirina pirsgirêka Kurd li seranserê Kurdistanê û Rojhilata Navîn pêk were.

PUKMEDIA