YNKê ji bo ku Helebce bibe parêzgeh hewlên xwe didomîne

PUKMEDIA

Avahiya parlamentoya Iraqê

Hewldanên Yekîtiya Niştimanî ya Kurdistanê (YNK) li Parlamentoya Iraqê ji bo pesendkirina proje yasaya ku Helebce bibe parêzgeha 19 ya Iraqê, piştî bidawîbûna hemû proseyên yasayî berdewam dike.
Hewldanên Berdewam

Parlamenterê YNKê li Parlamentoya Iraqê Çiro Hema Şerîf ji PUKMEDIA re ragihand, hewlên YNKê ji bo derxistina proje yasaya parêzgehkirina Helebceyê berdewam in.

Wê got: “Me piştgîrîya çend baskên parlemanî ji bo dengdana li ser proje yasayê girtiye û em li ser hewlên xwe berdewam in heya ku proje yasa were cîbicîkirin.”

 “Parêzgeha Helebce hemû proseyên yasayî û îdarî bi dawî anîne, tenê dengdana parlamentoyê li ser proje yasaya binavkirina wê weke parêzgeha nû maye.”Wiha got

Şêwirên berdewam

Parlamenter Şerîf her wiha got: "Em bi Serokê Parlamentoya Iraqê re li ser projeyasayê axivîn û erêkirina xwe ji bo pesendkirina wê ragihand."

Di sala 2023an de, civata wezîran a Îraqê proje yasaya binavkirina Helebce wek parêzgeh pesend kir. Ji bo ku ev biryar bi dawî bibe divê parlamentoya Iraqê bi dengdanê pêşnûmeya qanûnê bide.

Parlamentoya Iraqê xwendina destpêkî û yasayî ya pêşnûmeya yasaya diyarkirina Helebce wek parêzgeh bi dawî kir û tenê dengdana li ser proje yasayê li bendê ye.

Helebce ku di sala 2014ê de wek parêzgeha 4ê ya Herêma Kurdistanê hatiye naskirin, 4 navçeyên wê hene: Xurmal, Biyara, Bamo û Sîrwan. Di heman demê de cîhek geştyarî ye û salane bi hezaran geştyaran bala xwe dikişîne.

Di 16’ê Adara 1988’an de Helebce ku wê demê bajarokekî di nav sînorên parêzgeha Silêmaniyê de bû, ji aliyê rejîma Beis a dîktatorê hilweşiyayî yê Iraqê Sedam Husên ve bi çekên kîmyewî hat bombekirin. Sûc bû sedema mirina zêdetirî 5,000 kesan ku bi giranî jin û zarok bûn û bi sedan kes jî birîndar bûn.
Proje yasa beşeke ji hewildanên ji bo qerebûkirina parêzgehê ji bo karesatên ku dîtiye.

PUKMEDIA