Şandeyên YNK û PDK`ê li Silêmaniyê dicivin

PUKMEDIA

Logoya YNK û PDK'ê

Biryar e îro Şemî rêkefta (30-11-2024) an, şandek e Partiya Demokrata Kurdistanê (PDK) li bajarê Silêmaniyê digel şandek e Yekîtiya Nîştimanî ya Kurdistan`ê (YNK) bicive; ku piştî ragihdnaina encamê dawîn yê Hilbijartina Parlemana Kurdistan`ê ji aliyê komisyonê ve ev yekem care ku ew her du hizbên ku piraniya dengên Parlemana Kurdistan`ê bi dest xistine li ser pirsa pêkanîna Hikûmeta Nû ya Herêma Kurdistan`ê dê bicivin.

Di wê derbarê de; Se`idî Ehmed Pîre ; Berdevkê Yekîtiya Niştimaniya Kurdistanê (YNK) ji PUKMEDIA re ragihand: YNK`ê bernameya xwe ya ji bo hikûmeta bê heye, ji ber ku pêwîste hikûmeta bê bibe hikûmeteke xizmetguzarî û xwedanê hêzeke yekgirtî ya Pêşmerge.

Se`idî Pîra got: YNK her timî bi riya sazkirina kongre û civînan xwe nû dike, lewma em dixwazin bi heman mekanîzmayê hikûmeta Herêma Kurdistan`ê nû bikin û têxin xizmeta gel; hevdem pêwîste YNK û PDK`ê ku her du serekî ne li Herêma Kurdistan`ê nakokiyên di navbera xwe de bidin aliyekî û hewlên cidî bidin ji bo pêkanîna hikûmetek ya nû; ji berk u rewşa navçeyê hestyar e.

Berdevkê YNK`ê got: YNK`ê dixwaze di hikûmeta bê de hevbeşiyek xwe ya rasteqîne hebe; û her çend e îro yekem civîna YNK`ê û PDK`ê li ser pirsa  pêkanîna hikûmetê tê lidarxistin, lê hîna dem heye ku em gotûbêjên xwe zêdetir di wê derbarê de bikin.

Li gor zanyariyên (PUKMEDIA) biryare piştî nîvro îro şandeke Partiya Demokrata Kurdistanê (PDK) li bajarê Silêmaniyê digel şandeke Yekîtiya Nîştimanî ya Kurdistan`ê (YNK) bicive ku armanc ji wê yekê gotûbêjkirina derbarê pêkanîna Kabîneya 10 ya Hukûmeta Herêma Kurdistan`ê ye.

Civîn yekem civîna fermî ye ku di navbera YNK`ê û PDK`ê de tê kirin ku dê li ser postên hikûmet û Parlemana Kurdistan`ê li Meketaba Siyasî ya Yekîtiya Nîştimaniya Kurdistan`ê li Silêmaniyê dê birêve biçe dê gotûbêjan bikin.

Yekîtiya Nîştimaniya Kurdistan`ê (YNK) ku 23 kursî bi dest xistiye, bi serokatiya Qubad Talebanî; Endamê Mekteba Siyasî şandek ji bo danûstandinên digel aliyan pêk aniye ji bo pêkanîna Hikûmeta Bê ya Herêma Kurdistan`ê; û di wê çarçoveyê de jî sardana her yek ji Bizava Goran; Komeleya Dadwerî ; Yekgirtûya Îslamî û Bizava Neweya Nû kiriye; û biryar e îro jî şanda YNK`ê digela şanda PDK`ê bicivin.

PUKMEDIA