Desteya Ragihandinê beşdarî 6. Pêşangeha Navdewletî ya Pirtûkan dibe

6emîn Pêşangeha Navdewletî ya Pirtûkan a Silêmaniyê

Amadekariyên şeşemîn Pêşangeha Navdewletî ya Pirtûkan a Silêmaniyê

Desteya ragihandinê ya Yekîtiya Niştimanî ya Kurdistanê (YNK) dê beşdarî Pêşangeha Navdewletî ya Pirtûkan a Silêmaniyê dibe û desteya ragihandinê YNKê  dê 6. Pêşangeha Navdewletî ya Pirtûkan vebike.

Nûnerê Desteya Ragihandinê ya YNK'ê di gera şeşemîn a Pêşangeha Navdewletî ya Pirtûkan a Silêmaniyê de Aryen Mihemed ji malpera fermî ya YNK'ê PUKMEDIA yê re ragihand:’’Nêzîkî (1000) navên cuda yên pirtûk û kovarên organên YNKê tên pêşkêşkirin, di nav wan de pirtûkên desteya ragihandinê û desteya hişyariyê, navenda lêkolînan, navenda karûbarên yasayî û saziya Serok Celal Talebanî  û her wiha berhema têkoşerên YNKê û bîranînên siyasetmedarên şoreşa nû ye wê beşdar bibin.”

Ev pêngava  pêşkêşkirina 1000 sernavan vê rastiyê nîşan dide ku Yekîtî hêza ramanê û kargeha hilberîna ramanê ye.

''Her tim piştgirî daye nivîskar û rewşenbîran ku bi azadî biaxivin û binivîsin, berî her tiştî Serok Mam Celal ku her tim li çiya û bajaran slogana nan û azadiya nivîskaran hilgirtiye, li ser heman rê û çanda xwe berdewam dike.'' Aryen Mihemed got.

Şeşemîn Pêşangeha Navdewletî ya Pirtûkan a Silêmaniyê roja 28-11-2024`an bi beşdariya 200 sazî û navendên herêmî tê vekirin.Biryar bû şeşemîn Pêşangeha Navdewletî ya Pirtûkan a Silêmaniyê di 20ê Mijdara 2024an de bihata lidarxistin, lê ji ber proseya serjimêriya Iraqê di 20ê Mijdara îsal de, bo 28ê Mijdarê hat paşxistin.

PUKMEDIA