Şêx Cefer: Ji bo xizmetkirina malbatên şehîdan divê xebat bên zêdekirin

Kurdistan 04:57 PM - 2024-11-26
Şêx Cefer û malbatên şehîdên 16ê Cotmehê PUKMEDIA

Şêx Cefer û malbatên şehîdên 16ê Cotmehê

YNK Şehîd

Îro 26ê Mijdarê roja sêşemê, di merasîmekê de rêheval Şêx Cefer berpirsê Encumena Parastina Berjewendiyên Bilind ên Yekîtiya Niştimanî ya Kurdistanê (YNK) , Şêx Cefer Şêx Mistefa bi hemahengî li gel Buroya Şehîdan û Tekoşêran diyarî li ser hijmarek malbatên şehîdên 16ê Cotmehê belav kir.

Şêx Cafer spasiya Serok Bafil kir ku van diyariyan pêşkêşî malbatên şehîdên 16'ê Cotmehê kiriye, têkoşîn û fedekariya şehîdên 16'ê Cotmehê û malbatên wan nirxand û tekez kir: “Van şehîdan bi canê xwe yê pîroz parastina xaka Kurdistanê kirin û bi xwîna xwe kurdbûna Kerkûk, Xurmatû û deverên din ên Kurdistanî îspat kirin.Ew hemû gelê kurd in û dê her tim di bîra me hemûyan de bin û navê wan di rûpelên geş ên dîroka gelê me de bê tomarkirin.”

Her wiha hêvî xwest ku di pêşerojê de diyarî û rêz ji malbatên şehîdan re bên pêşkêşkirin.Her wiha tekez kir ku mixabin heta niha nekariye bi awayekî rêk û pêk xizmetkirina zarok, malbat û kesûkarên şehîdan bê kirin, ji ber wê jî pêwîste hewlên zêdetir bo xizmetkirina wan û rizgar kirina wan ji xemên jiyanê bên zêdekirin.

Di merasîmê de rêheval Bilêsa Cebar Ferman gotarek pêşkêş kir û got ku pêwîste çend zagonên têkildarî malbatên şehîdan bên sererastkirin, da ku karibin zêdetir xizmetê ji malbatên şehîdan re bikin.
Di merasîmê de Seroka Buroya Şehîdan û Tekoşêran Bilêsa Cebar Ferman, Berpirsê Navenda Rêxistina Silêmaniyê Ziyad Şehîd Cebar, Berpirsê Fermandariya Hêzên Pêşmerge Wasta Resûl, Berpirsê malbenda YNKê ya Germiyan Salar Mehmûd u  Cutyar Nûrî amade bûn.

PUKMEDIA

zêdetir tamaşe bike

zortrin xwendraw

Ji telefonên we re nûçeyan dinirin

Daxînin

Logo Aplîkêşin

Play Store App Store Logo
The News In Your Pocket