Hilo Mistefa Eskerî wek Wezîrê Jîngehê yê Iraqê hat destnîşankirin

PUKMEDIA

Hilo Mistefa Leşkerî piştî sondxwarinê gel firaksyona YNKê

Parlamentoya Iraqê di civîna xwe ya îro sêşemê 26.11.2024ê de deng da ku Dr. Hilo Mistefa Askerî, Wezîrê Jîngehê yê Hikûmeta Federal, li şûna Wezîrê berê Nizar Amedî dest bi kar be.

Dr. Brîar Reşîd endamê Meclisa Nûneran ser bi fraksiyona  Yekîtiya Niştimanî ya Kurdistanê ji PUKMEDIA re wiha got:’’Civîna Civata Nûneran îro piştî nîvro dest pê kir, û di wê dengdanê de Dr.Hilo Mistefa Eskerî berbijarê Yekîtîya Niştimanî bo postê wezîrê jîngehê di hikûmeta federal de hat hilbijartin û li şûna birêz Nizar Amedî ku daxwaz kiribû ji kar bê dûrxistin,demek berê helwesta xwe ji bo erkên partiyê terxan bike.”

Endamê Mekteba Siyasî ya Yekîtiya Niştimanî ya Kurdistanê Nizar Amêdî berî mehekê dest ji posta Wezîrê Jîngehparêziyê berda, ji bo ku berê xwe bide karên partiyê li Bexdayê û piştî lidarxistina kongreya pêncemîn a Yekîtiya Niştimanî ya Kurdistanê li wir hat destnîşankirin. wek berpirsê Mekteba Siyasî YNKê li Bexdayê.

Hilo Leşker kî ye?

Hilo Mistefa Leşkerî doktoraya xwe di warê tenduristî û ewlehiya jîngehê de wagirtiye.

Weke şêwirmendê Serokwezîrê Herêma Kurdistanê Dr. Berhem Salih, ji bo karûbarên jîngehê di salên 2010 û 2012 de kar kiriye .

Di navbera salên 2012-2018an de di Wezareta Çavkaniyên Xwezayî ya Hikûmeta Herêmê de şêwirmendî kiriye.

Di navbera salên 2018-2020an de wek Serokê Dezgeha Jîngehê li Herêma Kurdistanê kar kiriye.

Di navbera salên 2020 û 2021ê de wek şêwirmendê cîgirê serokwezîrê Herêma Kurdistanê hat destnîşankirin.

PUKMEDIA