Kerwana xebata Yekîtî tijî xwîn û qurbanîne

PUKMEDIA

Logoya Yekîtî

Roja 21ê meha 11 her sal salvegera roja şehîdkirina Yekîtiya Niştimanî ya Kurdistanê û şoreşa nû ye, roja bidarvekirina komek ji serkirdeyên Yekîtiya Niştimanî bi navên (Şihab Şêx Nûrî, Cefer Ebdulwahêd û Enwer Zurab), roja şoreşa ku mafên rewa yên gelê Kurdistanê parast û karîbû bi dest bixe.
Ev roj li gor dirûşma  (hindik bijî lê bi serbilindî) rojeke taybet û nîşana pêşengiya şehîdan tê hesibandin û ji bo Yekîtiya Nîştimanî û gelên Kurdistan û Êraqê qeydeke tijî ye.

Yekitiya Niştimanî xwedî para şêre di serkeftinan de

Dema ku ev serkirdeyên têkoşer ji aliyê serkirdeyên rêjîma Beisî ya hilweşiyayî ve hatin bidarvekirin, rewşeke dilgiran û xemgîn li hemû navçeyên Kurdistanê derket, lê piştî wê şoreşa nû berdewam kir û bi qurbanîdana Pêşmerge, xwîna şehîdan, têkoşînê pêşmerge û siyaseta aqilane ya Serok Mam Celal şoreşa nûh gihîşt armanca xwe û rêya aram,niha Kurd li Herêma Kurdistanê çarçowe, giranî û ezmûna wan a demokratîk taybet heye, û Yekîtiya Niştimanî ya Kurdistanê xwediya para şêre ji van serkeftinan.

26 hezar şehîdên Yekîtiya Niştimanî ya Kurdistanê

Li gor amarên ku ji aliyê Nivîsgeha Şehîdan û Têkoşeran di Yekîtiya Nîştimanî de hatiye belavkirin û malpera fermî ya Yekîtiya Niştimanî PUKMEDIA bidest xistiye, hejmara şehîdên YNK zêdetirî 26 hezar şehîdin.

Yekîtiya Niştimanî ya Kurdistanê di meşa têkoşîna li çiya û bajaran de bi hezaran destanên qehremaniyê hene û ev jî nîşana wê yekê ye ku Yekîtiya Niştimanî  ji bo bidestveanîna mafên rewa yên gelê Kurdistanê ti ti rojê paş neket. Yekîtiya Niştimanî jî xwediyê 4 hezar û 150 xwedî pêdiviyên taybet e ku di destanên parastina gelê Kurdistanê de li hember rêjîma Beis û terorîstan birîndar bûne.

PUKMEDIA