Rêvebirê serjimêriya Kurdistanê: Proseya serjimêriyê li Herêmê bi aramî pêş dikeve

PUKMEDIA

Birêz,Mehmûd Osman

Rêvebirê Cîbicîkar ê Serjimêriya Giştî ya Nifûs û Niştecihan li Herêma Kurdistanê ragihand, ku proseya serjimêriyê li gorî plansaziyê ber bi pêşve diçe û piştî ku ev qonax bi dawî hat, dê kar bo qonaxa bê berdewam bikin.

Rêveberê Serjimariya Giştî ya Nifûs û Niştecihan li Herêma Kurdistanê Mehmûd Osman di hevpeyvînekê de ligel PUKMEDIA ragihand: “Pêvajoya serjimêriya Herêmê bi aramî ber bi pêş ve diçe û hemwelatiyan bi başî bersiva tîmên serjimêriyê didin û ev qonax dê bi dawî bibe û  tam sibê, pêncşemê nîvê şevê."

Di berdewamiya axaftina xwe de wiha got: “Piştî ku ev qonax bi dawî bibe, tîmên serjimartinê dê 5 rojan bêhnvedanekê bidin û piştî wê qonaxeke nû dê dest pê bike. Ev qonax dê ji 27 Mijdar 2024 heta 17 Kanûn 2024 bidome, û ji her malbatê herî kêm kesek hewce dike ku bersiva pirsan bide."

Serjimêriya giştî ya niştecihan li Iraq û Herêma Kurdistanê îro Çarşemê dest pê kir û ji bo bi aramî bidawîhatina vê proseyê, ji bo du rojan qedexeya derketina derve li her du aliyên Iraq û Herêma Kurdistanê hatiye ragihandin.

PUKMEDIA