Beşdarbûna kurdan di serjimêrê de kurdbûna herêmên madeya 140 îspat dike

PUKMEDIA

Nexşeya Iraqê

Aso Mamend Çavdêrê Kerkûk-Selahaddîn li YNKê  got, ji Kurdên ku li gorî madeya 140 dijîn, daxwaz tê kirin ku vegerin warên xwe û beşdarî serjimêriya giştî ya Iraqê bibin, ku biryar e di 20 û 21 Mijdarê de were lidarxistin.

Berdevkê Fraksiyona YNKê li Parlamentoya Iraqê got: ‘’Ez bang li welatiyên sînorê madeya 140 dikim ku di zûtirîn dem de vegerin warên xwe.Xiyaneta ku di serjimêriya sala 1997'an de di dema rejîma Baasê de li Kurdan hat kirin, wê sibe dubare nebe û em bang li Kurdan dikin ku bi awayekî aktîf beşdarî pêvajoyê bibin, da ku em bibin parêzvanê mafên nifşên xwe yên pêşerojê."

Welatiyên di sînorê madeya 140 de divê vegerin malên xwe

Berpirsê YNKê yê Kerkûk-Selahaddîn Aso Mamend Kurdistanî got: “Ez bang li welatiyên sînorê madeya 140 dikim ku vegerin cihên xwe û beşdarî proseya serjimêriyê bibin.Yên ku beşdarî pêvajoyê nebin dê ji hemû mafên xwe bêpar bimînin û gotegotên ku dibêjin welatiyên herêmên nakok dikarin li cihên din qeyda xwe tomar bikin ne rast in.’’

Pir girîng e ku kurdên di sînorê madeya 140 de beşdar bibin

Serjimêriya îsal ji aliyê hemû aliyan ve hatiye pesendkirin û giring e kurdên di sînorê madeya 140 de beşdar bibin.

Berdevka Fraksiyona YNKê li Parlamentoya Iraqê Sozan Mensûr ji malpera fermî ya Yekîtiya Niştimanî ya Kurdistanê (YNK) PUKMEDIA re ragihand:“Piştî serjimêriya sala 1957’an serjimêriya îsal ya yekem e ku bi razîbûna partî û civakan pêk tê, lewma ji bo Kurdan pir girîng e.

Navçeyên ku di madeya 140 de cih digirin bi awayekî aktîf beşdarî serjimêriyê bibin, ji bo vê yekê jî, YNKê hemû amadekarî û asankarî ji bo beşdarbûna xelkên xwecihî yên wan deveran di serjimêriyê de kirine.

“Li parêzgeha Diyale bi giştî û li Xaneqînê bi taybetî şêniyên wê xwe amade dikin ku sibê beşdarî serjimêriya giştî bibin.Her welatiyekî ku li derveyî parêzgehê bi çi sedemê be, niha bi agirê kurdî vegeriyaye cihê xwe û sibe dê kurdbûna deverên xwe îsbat bike."

Herî dawî di sala 1997’an de li Xaneqînê serjimêrî hat kirin û di bin zextên rejîma Baas de îxanet li Kurdan hat kirin, lê ev serjimêrî derfeteke baş e ji bo îsbatkirina kurdbûna herêmên me.Ev serjimêrî dê pîvana bûdceya parêzgehan û nifûsa parêzgehê be û komînên parêzgehan diyar bike, lewra em daxwaz ji xelkê xwecihî yên navçeyên nakok dikin ku vegerin warê xwe û çarenivîsa nifşên xwe yên paşerojê diyar bikin.

"Kurdistanîbûna Kerkûkê piştrast bikin"

Fraksiyona Yekîtiya Niştimanî ya Kurdistanê (YNK) li Parlamentoya Herêma Kurdistanê bang li kurdên Kerkûkê kir ku beşdarî serjimêrî bibin û kurdbûna wî bajarî piştrast bikin.

Parlamentera Fraksiyona YNKê li Parlamentoya Iraqê Sebah Şêx Hebîb ji PUKMEDIA re ragihan: “Mafê xelkê Kerkûkê ye ku beşdarî serjimêriya giştî ya Iraqê bibin û kurdbûna bajarê xwe piştrast bikin.“Ev serjimêrî dê ji bo kursiyên parlamentoya Iraq û Kurdistanê, dahata parêzgehan û piştre rêjeya îstihdamê bibe amarek aram.

“Eger Kerkûkîyekî beşdarî serjimêrî nebe, ji ber taybetiya Kerkûkê gelek maf ji rûniştvanên bajêr re tên dayîn.Sebah Şêx Hebîb got, em weke endamekî parlamentoya Iraqê bi hûrî çavdêriya proseyê dikin û di çend rojên borî de me hewl da ku pirsgirêkên ku hebûn çareser bikin.

Wî zêde kir:“Weke her carê xelkê Kerkûkê bi ruhê Pêşmerge vegeriyane bajêr û dixwazin di serjimêrî de axa bav û kalên xwe biparêzin.Serjimêriya giştî ya Iraqê piştî 37 salan sibe û duşemî 20 û 21ê Cotmeha 2024an tê kirin.Ji Kurdên di sînorê madeya 140 de tê xwestin ku vegerin warên xwe û kurdbûna xwe îspat bikin.

PUKMEDIA